Aïr

Die Aïr (Hausa: Abzin) is 'n bergreeks van vulkaniese oorsprong in die noorde van Niger. Idoukal-n-Taghès is met 2 022 meter bo seevlak die hoogste bergpiek van die Aïr. Noord van die Aïr is die Ahaggar en oos van albei is die Tibesti geleë. Al drie bergreekse oorheers die sentrale gedeelte van die Saharawoestyn in Noord-Afrika.

Aïr en Ténéré Natuurreservate*
Unesco-wêrelderfenisterrein
Nasa-Satellietbeeld van die Aïr
Aïr Ligging van die Natuurreservate van Aïr en Tenerife in Niger
Koördinate: 18°16′37″N 7°59′58″O
Lande	Niger
Tipe	Natuur
Kriteria	vii, ix, x
Verwysings	573
Streek†	Afrika
Inskripsiegeskiedenis
Inskripsie	1991  (15de Sessie)
Bedreigd	1992
* Naam soos dit in die Wêrelderfenislys verskyn. † Streek soos deur Unesco geklassifiseer.

Die Guelta naby die dorp Timia in die sentrale Aïr bied die hele jaar water in 'n andersins droë streek

Die Aïr streek sowat 200 km in 'n wes-oostelike rigting en 300 km in 'n noord-suidelike rigting. Dit beslaan 'n oppervlakte van sowat 84 000 km².

Die noordelike deel van die Aïr is in 1991 saam met die noordoostelike deel van die Ténéré-woestyn deur Unesco as wêrelderfenisgebied gelys. Die Aïr en Ténéré natuurreservaat is met 'n oppervlakte van sowat 77 000 km² die grootste bewaringsgebied in Afrika.

Die Aïr-streek vorm as 't ware 'n Sahel-enklawe in die Saharawoestyn en is die noordelikste punt, waar na 'n deurkruis van dié woestyn volop plantegroei te vinde is. In die Aïr-streek bly veral Berbers en Hausas; hulle handhaaf 'n nomadiese leefwyse.

Sien ook

• Lys van Wêrelderfenisgebiede

Eksterne skakels

• Wikimedia Commons het meer media in die kategorie Aïr.
• (en) "Aïr massif". Encyclopædia Britannica. Besoek op 26 April 2019.