Aartappelbos

Aartappelbos
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Malpighiales
Familie:	Phyllanthaceae
Genus:	Phyllanthus
Spesie:	P. reticulatus
Binomiale naam
	Phyllanthus reticulatus; Poir., (1804)
Sinonieme
	Kirganelia reticulata (Poir.) Baill.; Diasperus reticulatus (Poir.) Kuntze; Cicca reticulata (Poir.) Kurz; Anisonema reticulatum (Poir.) A.Juss.;

Die aartappelbos (Phyllanthus reticulatus) is 'n skraal, meerstammige struik, klimplant of klein boompie wat in die Laeveld en ooskus van KwaZulu-Natal voorkom en dikwels ruigtes vorm. Dit kan tot 4 m hoog word. Die bas is rooibruin of grys en word met tyd veselrig en gegroef. Die blare is enkelvoudig, klein en afwisselend en midgroen. Hulle is ewe ver uitmekaar aan neerhangende takke gespasieer. Die geel blommetjies is onopvallend wat in trosse voorkom. Die boom het 'n sterk gaaraartappelgeur.