Abe Williams

Abraham (Abe) Williams (12 Desember 1940, Saldanha, Suid-Afrika) is 'n Suid-Afrikaanse politikus uit die bruin gemeenskap, sekretaris van die Suid-Afrikaanse Rugbyfederasie (1972-1988), lid van die kamer van verteenwoordigers van die driekamerparlement vir die kiesafdeling van Mamre (1984-1994) en lid van die nasionale vergadering (1994-2000).

Abe Williams
Minister van Volkswelsyn en -ontwikkeling
Ampstermyn 1994 – 1996
President	Nelson Mandela
Minister van Sport en Ontspanning
Ampstermyn 1993 – 1994
President	F.W. de Klerk
Persoonlike besonderhede
Gebore	12 Desember 1940 (1940-12-12)
Politieke party	Arbeidersparty, Nasionale Party

Hy was ook die adjunkminister van onderwys en kultuur in die kamer van verteenwoordigers (1989-1991) en adjunkminister vir nasionale onderwys (1991-1992), waarna hy minister van onderwys en kultuur (1992-1993) en maatskaplike sake (1993-1994) in die Huis van Verteenwoordigers was voordat hy Minister van Sport (1993-1994) in die De Klerk-regering en Minister van Volkswelsyn en -ontwikkeling (1994-1996) in die Mandela-kabinet geword het.