Agne
Agne of Agni Skjálfarbondi, ook verkeerdelik Hogne genoem, was in die Noorse mitologie 'n legendariese koning van Swede se Huis van Yngling. Volgens Snorri Sturluson was hy die seun van Dag die Wyse, wat hy as koning opgevolg het. Hy was op baie gebiede bekwaam.
| Agne | |
|---|---|
| Legendariese koning van Swede | |
 Agne word deur sy vrou, Skjalf, gehang. Kunswerk deur Hugo Hamilton (1830).
| |
| Voorganger | Dag die Wyse |
| Opvolger | Alarik en Erik |
| Koningshuis | Huis van Yngling |
| Vader | Dag |
| Eggenote | Skjalf |
| Kinders | Alarik en Erik |
Een somer het hy en sy leër Finland gaan plunder. Die Finne het 'n groot mag onder 'n hoof met die naam Frosti bymekaargemaak. In die groot geveg wat gevolg het, het Agne baie Finne, onder andere Frosti, doodgemaak en geseëvier. Agne het toe die hele Finland onderdruk en baie buit bymekaargemaak. Hy het ook Frosti se dogter Skjalf en haar landgenoot Logi gebuit.[1]
Agne het na Swede teruggekeer en hulle tent by Stocksund (Stockholm) opgeslaan. Hy is toe met Skjalf getroud. Skjalf het Agne gevra om haar oorlede pa met 'n fees te vereer en Agne het ingestem. Hy het baie gaste genooi en hulle het 'n drinkkompetisie gehou, waarin Agne baie dronk geword het. Skjalf het Agne toe in sy slaap met 'n tou vermoor en so haar pa se dood gewreek.[2][3] Sy en haar manne het na die skepe gehardloop en na Finland ontsnap.
Agne is opgevolg deur sy seuns Alarik en Erik. Sy verhaal word vertel in die Ynglinga saga, Ynglingatal en Historia Norwegiæ.
Verwysings
wysig- ↑ In die ouer Ynglingatal was Logi haar landgenoot, maar in Heimskringla was hy haar broer, wat blykbaar 'n fout deur Snorri Sturluson is.
- ↑ Laing's translation at the Internet Sacred Text Archive
- ↑ Laing's translation at Northvegr Geargiveer 11 Maart 2007 op Wayback Machine
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Dag |
Legendariese Sweedse konings | Opvolger Alarik en Erik → |