Dag die Wyse of Dagr Spaka was in die 4de eeu (volgens die 16de-eeuse historikus Johannes Magnus) 'n legendariese koning van Swede se Huis van Yngling. Hy was die seun van Dyggvi, wat hy as koning opgevolg het.

Dag die Wyse
Legendariese koning van Swede
'n Illustrasie van Dag die Wyse deur Gerhard Munthe (1899).
'n Illustrasie van Dag die Wyse deur Gerhard Munthe (1899).
Voorganger Dyggvi
Opvolger Agne
Koningshuis Huis van Yngling
Vader Dyggvi
Kinders Agne

Volgens legendes kon Dag die taal van voëls verstaan en het hy 'n mossie gehad wat nuus van baie lande vir hom versamel het. Toe die voël op een van sy omswerwinge dood is, het Dag "Reidgotaland" ingeval om sy dood te wreek. Hy is daar in 'n lokval gelei en vermoor. Hy is opgevolg deur sy seun Agne.

Volgens Historia Norwegiæ en Íslendingabók, die vroegste twee weergawes wat op Ynglingatal geskoei is, is Dag deur sy seuns Alarik en Erik opgevolg, wat weer deur Dag se kleinseun Agne opgevolg is.[1] In die Ynglinga saga word egter gesê Dag is deur sy seun Agne opgevolg, wat op sy beurt deur Dag se kleinseuns Alarik en Erik opgevolg is.

Verwysings wysig

  1. Storm, Gustav (red.) (1880). Monumenta historica Norwegiæ: Latinske kildeskrifter til Norges historie i middelalderen, Monumenta Historica Norwegiae (Kristiania: Brøgger), p. 99

Skakels wysig

Voorganger
Dyggvi
Legendariese Sweedse konings Opvolger
Agne