Akagi

Akagi vlugoperasies, April 1942
Loopbaan
Bestel:	1920
Neergelê:	6 Desember 1920
Te water gelaat:	22 April 1925
Indiensneming:	25 Maart 1927
Lot:	Beskadig deur Amerikaanse lugaanval tydens die Slag van Midway en gekelder op 5 Junie 1942
Algemene Eienskappe
Verplasing:	36 500 ton (leeg); 41 300 ton (geskat, volle vrag)
Lengte:	260,67 m
Breedte:	31,32 m
Diepgang:	8,71 m maksimum
Aandrywing:	4 stoomturbines 133 000 spk (99 000 kW), aangedryf deur 19 waterverkoelde ketels, vier lemskroewe
Spoed:	31,5 knope (58,3 km/h)
Reikafstand:	19 000 km teen 16 knope (30 km/h)
Bemanning:	1 630
Pantser:	152 mm sypantser 79 mm gepantserde dek
Bewapening:	6 x 20 cm kanonne 6 x 12 cm lugafweer 14 x 25 mm lugafweer
Vliegtuie:	66 (+25 reserwes) 21 Mitsubishi A6M Zero 18 Aichi D3A 27 Nakajima B5N (7 Desember 1941)

Die Akagi (Japannees: 赤城) was 'n vliegdekskip van die Japannese Keiserlike Vloot gedurende die Tweede Wêreldoorlog. Die 'Akagi' (letterlik: Rooi Kasteel) is vernoem na 'n vulkaan in die Kanto-streek van Japan. Dit is in Kure gebou, aanvanklik as 'n gevegskruiser van die Amagi-klas, maar na 'n vlootooreenkoms tussen die Verenigde State en Japan, is die skip as 'n vliegdekskip omgebou. Later is die drie vliegtuigdekke van die skip vervang deur een vliegtuigdek, byna die hele lengte van die skip.

Die Akagi het 'n rol gespeel in die aanval op Pearl Harbor op 7 Desember 1941. Tydens die Slag van Midway was die Akagi die vlagskip van Admiraal Chuichi Nagumo, wat ook die drie ander vliegdekskepe - Soryu, Hiryu en Kaga en die aanvalsvloot aangevoer het. Tydens die geveg is die Akagi onherstelbaar beskadig, waarna dit op 5 Junie 1942 deur Japannese skepe gekelder is.

Literatuur

• Kolonel A. J. Barker - Midway: Keerpunt in de Stille Oceaan - Tweede Wereldoorlog - Standaard uitgewery - Antwerpen/Utrecht

• Hierdie artikel is in sy geheel of gedeeltelik uit die Nederlandse Wikipedia vertaal.

Eksterne skakels

• Wikimedia Commons het meer media in die kategorie Akagi.