Akkerendam-natuurreservaat
Die Akkerendam-natuurreservaat is ‘n beskermde gebied teen die droë hellings van die Hantamberg in die Hantam-Karoo by Calvinia.
Die reservaat lê teen die dorp se noordgrens, tussen nagenoeg 31° 24′ en 31° 27′ suid en 19° 45′ en 19° 48′ oos en tussen 991 m en 1192 bo seespieël. Dit is 2750 ha groot en is in 1967 tot beskermde gebied geproklameer.
Hier word die ekosisteem, die tipiese Karoofynbos, van die Hantamberge beskerm. Die blomseisoen is in Augustus en September. Die sterboom (Cliffortia arborea) is hier in sy natuurlike omgewing. Die plant kom voor op die lys van bedreigde spesies, want dit is in gevaar omdat dit die enigste houtagtige plant in die omtrek is en gevolglik baie as vuurmaakhout gebruik is. ‘n 65 voëlspesies is al hier aangeteken. Daar is twee voetslaanpaaie in die reservaat ontwikkel.
In 1778 was dit deel van die plaas van Adriaan van Zyl. Robert Jacob Gordon het hom in Desember van daardie jaar daar besoek.
Bibliografie
wysig- en-za.topographic-map.com
- van der Merwe, Helga en M. Timm Hoffman: Vegetation map of Akkerendam Nature Reserve (researchgate.net)
- van der Merwe, Helga en M. Timm Hoffman: Vegetation of Akkerendam Nature Reserve, Northern Cape: Delineation and dynamics over 100 years. In: Bothalia – African Biodiversity & Conservation, deel 49, nr. 1, 2019 (scielo.org.za)