Alain Marion (25 Desember 193816 Augustus 1998) was 'n Franse fluitspeler wat beskou word as een van die beste fluitspelers van die laat-twintigste eeu.[1]

BiografieWysig

Marion was in Marseille op Kersfees-dag 1938, gebore. Hy het by die Marseille Konservatoria onder die gerekende fluitspeler, Joseph Rampal, studeer, en die premier prix de flûte toekenning ontvang toe hy maar slegs veertien jaar oud was. Hy het later onder Rampal by die Paryse Konservatoria (Frans: Conservatoire de Paris) gestudeer waar hy uiteindelik 'n professor sou word. Hy het bekendheid verwerf nadat hy 'n prys gewen het tydens die Genève Internasionale Musiekkompetisie.[1]In 1964 het Radiodiffusion-Télévision Française, die Franse nasionale uitsaaier, vir Marion as Eerste Fluitspeler aangestel. Hy is later na die Orchestre de Paris. In 1972 het hy 'n solis vir die Orchestre National de France geword. Hy het in 1977 by die Ensemble InterContemporain kamerorkes aangesluit waar hy saam met Pierre Boulez gewerk het.[1]Hy het elke somer by die Académie internationale d'été in Nice klas gegee, en in 1986 die direkteur daarvan geword. As gevolg van sy statuur en aansien kon hy sommige van die wêreld se beste musici na die organisasie as onderwysers aantrek, insluitende die bekende Jean-Pierre Rampal, Jessye Norman en Henryk Szeryng.[1]

Marion het 'n goue fluit bespeel wat deur die Sankyo Fluitmaatskappy van Japan gemaak was, en sy oeuvre het 'n groot variëteit musikale style ingesluit. Hy het egter groot bewondering gehad vir die groot Barok fluit-komponiste sowel as vir die Tsjeggiese komponis Bohuslav Martinů.[1]Marion het op die ouderdom van nege-en-vyftig jaar aan 'n Miokardiale infarksie beswyk terwyl hy op toer was in Seoul, Suid-Korea.

VerwysingsWysig

  1. 1,0 1,1 1,2 1,3 1,4 Joyce, Laurence (24 Augustus 1998). "Obituary: Alain Marion". The Independent (in Engels). Geargiveer vanaf die oorspronklike op 27 September 2019. Besoek op 18 Februarie 2009.

Eksterne skakelsWysig