Alexander-Newski-gedenkkerk

Die Russies-Ortodokse Alexander-Newski-gedenkkerk (Duits: Alexander-Newski-Gedächtniskirche; Russies: Александро-Невский храм) op die Kapellenberg in die noorde van Potsdam (deelstaat Brandenburg, Duitsland) is tussen 1826 en 1829 op bevel van die Pruisiese koning Friedrich Wilhelm III vir die Russies-gebore soldate van die koor in die Russiese Kolonie Alexandrowka opgerig.

Alexander-Newski-gedenkkerk
Die Alexander-Newski-gedenkkerk in Potsdam
Denominasie	Russies-Ortodokse Kerk
Huidige predikant(e)	Anatolij Koljada, Daniel Koljada
Adres	Russisch-Orthodoxe Gedächtniskirche des Hl. Alexander-Newski zu Potsdam, Körperschaft des öffentlichen Rechts, Russische Kolonie 14, 14469 Potsdam

Die sakrale gebou in die Oud-Russiese boustyl, wat volgens ontwerpe van die Sint Petersburgse hofargitek Wassili Petrowitsj Stassow opgerig en deur Karl Friedrich Schinkel van klassisistiese stylelemente voorsien is, het die nou bande tussen Pruise en Rusland versinnebeeld. Ter nagedagtenis aan die Russiese tsaar Alexander I, wat in 1825 oorlede is, is die kerk na sy naamheilige Alexander Jaroslawitsj Newski, 'n Russiese vors wat in die 16de eeu heilig verklaar is, genoem.

Die Alexander-Newski-gedenkkerk is die oudste Russies-Ortodokse kerkgebou in Wes-Europa wat volgens die Oud-Russiese boukuns ontwerp is en 'n voorbeeld van die vroeë Russiese historisme. As deel van die Russiese Kolonie Alexandrowka is die kerk in 1999 deur Unesco tot wêrelderfenis verklaar.

Eksterne skakels

• Wikimedia Commons het meer media in die kategorie Alexander-Newski-gedenkkerk.
• (de) (ru) Amptelike webwerf