Allersiele
Allersiele (Latyn: [Dies] in commemoratione omnium fidelium defunctorum, letterlik: "Dag van herdenking aan al die oorledene gelowiges") is 'n Christelike stille fees ter herdenking van al die oorledene gelowiges.[1] Die herdenking aan al die siele word in die liturgiese jaar op 2 November gehou, een dag ná die Hoogfees Allerheilige. Deur middele van gebed, voorbidding, aalmoese en kerkhofbesoeke gedenk die mense al die siele in die vaevuur en wy aflate aan hulle toe. Dus het die Allersiele-aflaat in die Rooms-Katolieke Kerk 'n besondere betekenis.
_-_The_Day_of_the_Dead_(1859).jpg)
Geskiedenis
wysigDie herdenking van Allersiele op 2 November is deur ab Odilo van die Benediktynse abdy Cluny ingestel; hy het hierdie herdenkingsdag in al die aan Cluny verbonde kloosters ingevoer.[2] Die dekreet van Odilo uit die jaar 998 het behoue gebly. Toe is die dag van Allersiele ook buite die kloostermure gevier. Vanaf Cluny het die feesdag Allersiele in die hele Rooms-Katolieke Kerk versprei. In die stad Rome is die herdenking glo sedert die 14de eeu bekend. Die herdenking is teologies nou aan die tradisie van die vaevuur as 'n plek vir die suiwering van die oorledenes, aan wie die lewendes hul gebede, voorbidding, aalmoese en kerkhofbesoeke toewy, verbonde.[3]
Verwysings
wysig- ↑ (de) Lichter für die Toten, katholisch.de, besoek op 22 April 2019.
- ↑ (de) Odilo Ringholz: Die Einführung des Allerseelentages durch den heiligen Odilo von Cluny. In: Wissenschaftliche Studien und Mittheilungen aus dem Benedictiner-Orden, Band 2 (1881), No. 4, bl. 248–249.
- ↑ (de) Alle Seelen. In: Ökumenisches Heiligenlexikon (heiligenlexikon.de). Besoek op 22 April 2019.
Eksterne skakels
wysig| Wikimedia Commons bevat media in verband met Allersiele. |
- (en) "All Souls' Day". Catholic Encyclopædia. Besoek op 22 April 2019.
- (en) "All Souls' Day". Encyclopædia Britannica. Besoek op 22 April 2019.