Alliance of Citizens for Change
Die Alliance of Citizens for Change (ACC) is 'n Suid-Afrikaanse politieke party wat in Julie 2023 gestig is deur uitgesette Demokratiese Alliansie-lid en voormalige speaker van die Wes-Kaapse Provinsiale Parlement, Masizole Mnqasela.
Stigting
wysig
Masizole Mnqasela was vir meer as twee dekades 'n lid van die Demokratiese Alliansie en het in verskeie poste gedien, onder meer as die Speaker van die Wes-Kaapse Provinsiale Parlement. Hy is in November 2022 uit die DA geskors omdat hy neerhalende opmerkings oor die party gemaak het te midde van bewerings van bedrog.[1] In Junie 2023 het hy aangekondig dat hy by 'n nuwe burgerlike beweging aansluit.[2]
Op 15 Julie 2023 het Mnqasela die stigting van die ACC by die Rocklands Civic Centre in Mitchells Plain aangekondig.[3][4]
In Augustus 2023 het die DA raadslid vir Wyk 7 van die Swartland Plaaslike Munisipaliteit, Basil Stanley, by die party aangesluit.[5] Die DA het die Wyk behou in die daaropvolgende tussenverkiesing toe Stanley en die ACC besluit het om nie in die tussenverkiesing deel te neem nie.[6]
Die ACC gaan aan die Suid-Afrikaanse algemene verkiesing van 2024 deelneem.[7]
Verwysings
wysig- ↑ "DA Western Cape terminates Masizole Mnqasela's membership - eNCA". www.enca.com (in Engels). 29 November 2022. Besoek op 1 September 2023.
- ↑ Charles, Marvin. "Mnqasela to join civil movement after leaving DA on bitter terms". News24 (in Engels (VSA)). Besoek op 1 September 2023.
- ↑ Felix, Jason. "'We need real change now': Ousted DA leader Masizole Mnqasela launches his new party in Cape Town". News24 (in Engels (VSA)). Besoek op 1 September 2023.
- ↑ "Purple opposition eater? There's a new political party on the block and it promises loyalty". TimesLIVE (in Engels). Besoek op 1 September 2023.
- ↑ Siyo, Athandile (31 Augustus 2023). "DA councillor joins Mnqasela's newly formed ACC". Independent Online. Besoek op 1 September 2023.
- ↑ Wayne Sussman, 9 November 2023. ANC, DA record solid wins all round, but EFF and Patriotic Alliance deliver scares in Limpopo and Swartland polls. https://www.dailymaverick.co.za/article/2023-11-09-november-by-elections-solid-wins-for-anc-da/ Besoek 4 April 2024.
- ↑ National Candidates List, Independent Electoral Commission, Besoek 26 Maart 2024.