Wikipedia

Alvin Toffler

skrywer

Alvin Toffler (4 Oktober 1928 – 27 Junie 2016) was 'n Amerikaanse skrywer en futuris, bekend vir sy werke oor die digitale rewolusie, die kommunikasie rewolusie en die tegnologiese enkelvoudigheid. Hy was 'n voormalige redakteur van Fortune tydskrif en sy vroeë werk het gefokus op tegnologie en die gevolge daarvan soos inligtingoorlading. Daarna het hy ondersoek ingestel oor die reaksie op veranderinge in die samelewing en die gevolge van die post-industriële samelewing op konflik en oorlog. Hy was getroud met Heidi Toffler, ook 'n skrywer en futuris.

Alvin Toffler
Alvin Toffler in 2006
Gebore(1928-10-04)4 Oktober 1928
New York Stad, New York[1]
Sterf27 Junie 2016 (op 87)
Los Angeles, Kalifornië[2]
NasionaliteitVlag van Verenigde State van Amerika Verenigde State
BeroepFuturis, joernalis, skrywer
Bekend virFuture Shock
The Third Wave
Powershift
EggenootAdelaide Elizabeth "Heidi" (Farrell) Toffler
KindersKaren Toffler
Ouer(s)Rose (néé Albaum) en Sam Toffler
Webwerfalvintoffler.net

Sy idees

wysig

In sy boek The Third Wave beskryf Toffler drie tipes samelewings, gebaseer op die konsep van 'golwe' waarvolgens elke golf die ouer samelewing en sy kultuur opsy skuif.

  • Die Eerste Golf is die agraries georiënteerde samelewing wat die eerste jagter-insamelaarfase van die mens se ontwikkeling vervang het. In hierdie samelewing is die landbou die dominante aktiwiteit.
  • Die hoof kenmerke van die Tweede Golf is die kerngesin, nywerheids tipe onderwys stelsel en korporasies. Toffler skryf: "Die Tweede Golf Samelewing is industrieel en gebaseer op massaproduksie, massaverspreiding, massaverbruik, massa-onderwys, massamedia, massa-ontspanning, massavermaak, en wapens van massavernietiging. Hierdie dinge word gekombineer met standaardisering, sentralisering, konsentrasie sowel as sinchronisasie en 'n mens eindig met 'n organisasiestyl wat ons burokrasie noem."[3]
  • Die Derde Golf is die post-industriële samelewing. Sedert die laat 1950's is die meeste lande besig om weg te beweeg van die Tweede Golf Samelewing na 'n Derde Golf Samelewing. Die Derde Golf Samelewing word deur ander ook as die informasietydvak genoem.
 
Alvin Toffler lewer die openingsrede by die Nasionale Konferensie vir Kreatiewe Ekonomie in Oktober 2007

In hierdie post-industriële samelewing, is daar groot diversiteit van lewenstyle ("subkulture"). Adhocrasië (vloeibare organisasies soos byvoorbeeld die Wikipedia gemeenskap) reageer gou op veranderinge. Informasie word toenemend die plaasvervanger van materiële hulpbronne en word die hoofbron van werk (kenniswerkers). Massa op maat gemaak vermoëns verhoog die moontlikheid vir goedkoop, verpersoonlike produksie wat gefokus is op klein nismarkte (sien net-in-tyd produksie). Die gaping tussen vervaardiger en gebruiker word oorbrug met tegnologie. "Produbruikers" (Engels: prosumers) vervul hul eie behoeftes (sien oopbron, monteerstel en vryskutwerk).

Toffler verduidelik egter ook, "Die samelewing benodig mense wat omsien na die bejaardes en dié wat weet om meelewend en eerlik te wees. Die samelewing benodig mense wat in hospitale werk. Die samelewing benodig alle tipe vaardighede wat nie net kognitief is nie, maar ook emosioneel en liederyk. 'n Mens kan nie 'n samelewing net op data en rekenaars bestuur nie."

Sedert die 1960's, het mense gepoog om sin te maak van die gevolge van nuwe tegnologie en sosiale veranderinge. Toffler se skryfwerk was invloedryk selfs buite die grense van die wetenskap, ekonomie en openbare beleidsbesprekings. Tegno-musiek-pionier Juan Atkins stel dit dat Toffler se konsep "tegno-rebelle" in Future Shock hom geïnspireer het om die woord "tegno" (Engels: techno) te gebruik om hierdie musiekstyl te benoem.

Toffler se werke en idees word uit verskeie oorde gekritiseer, gewoonlik met dieselfde argumente gebruik teen toekomsstudies, naamlik dat dit onmoontlik is om die toekoms enigsins betroubaar te voorspel.

Sy boeke

wysig

'n Paar van sy bekende werke is:

The Shockwave Rider is 'n wetenskapfiksieverhaal geïnspireer deur sy Future Shock.

Verwysings

wysig
  1. ↑ The European Graduate School. "ALVIN TOFFLER - BIOGRAPHY" (in Engels). Geargiveer vanaf die oorspronklike op 24 September 2015. Besoek op 7 Januarie 2014.
  2. ↑ (en) "Alvin Toffler, author of best-selling 'Future Shock' and 'The Third Wave,' dies at 87". Washington Post. 29 Junie 2016. Besoek op 30 Junie 2016.
  3. ↑ Onderhoud met Toffler deur Norman Swann. Life Matters. Australian Broadcasting Corporation Radio National. 5 Maart 1998

Eksterne skakels

wysig
Ontsluit van "https://af.wikipedia.org/w/index.php?title=Alvin_Toffler&oldid=2569397"