Maak hoofkeuseskerm oop

Lewe en werkWysig

Amelda Brand matrikuleer aan die D.F. Malan Hoërskool in Bellville in die Kaap. Sy studeer drama aan die Universiteit van Stellenbosch en behaal haar M.A.-Drama-graad met ’n tesis oor gemeenskapsteater.[1] Hierna is sy betrokke by die Klein Libertasteater in Stellenbosch en spandeer dan twee jaar in Kanada saam met haar man, ’n dokter. Hulle bly hier in Lac La Biche in die Alberta-provinsie. By haar terugkeer raak sy as aktrise, sanger, poppemeester en regisseur betrokke by gemeenskapsteater by die Klein Libertasteater (waarvan sy tussen 1995–1998 die voorsitter is) en die Breughel-teater in Stellenbosch. Sy werk hoofsaaklik met die groepe Pretty Ladies en Blue Belles, waarvan meeste van die lede op die plaas Nagenoeg naby Stellenbosch woon.[1] Sy werk onder andere hier nou saam met Saartjie Botha en vanaf 1998 is sy regisseur van verskeie produksies van die groepe by die Klein Karoo Nasionale Kunstefees en elders. Oor haar ondervinding met gemeenskapsteater skryf sy later die boek “Drama therapy community intervention among the Western Cape rural poor: setting the stage”. As aktrise tree sy op in opvoerings soos “Rooikêppetjie” in 2002 en “Drie susters: ’n plek” in 2003, terwyl sy as regisseur saam met die Pretty Ladies in 1998 die drama “Hoe issie lewe oor die Krismis” opvoer. In 2004 behartig sy die regie van die drama “Meermin” van Malan Steyn by die Klein Karoo Nasionale Kunstefees.

Sy verwerf haar M.A. graad in Kreatiewe Kuns terapie vanaf die Concordia Universiteit in Montreal, Kanada in 2009. Sy werk ook as 'n gerigestreede drama-terapeut.[2]

SkryfwerkWysig

Sy is medeskrywer (saam met Erik de Waal en Angerie van Wyk) van die poppekabaret “Waarvan die mond van vol is” wat in 1994 by die ATKV-Kampustoneelfees opgevoer word. Die stuk handel op een vlak oor die vraatsug en geestelike honger van die mens. Die poppe én manipuleerders word deel van die uitdra van die storielyn, met die poppemeesters wat nie soos normaalweg in die pop se skadu beweeg nie.  Sy debuteer as dramaturg in 2002 wanneer haar drama “Vuur” by Aardklop opgevoer word. Hierin ondersoek sy die menslike behoefte aan geestelike sekuriteit en hoe dit deur sekere geestelike leiers misbruik word vir eie gewin. Sy skryf saam met Malan Steyn die drama “Drie susters: ’n plek” wat tydens Aardklop in 2003 naaswenner van die toekenning vir beste teks is en vertolk self ’n belangrike rol daarin. Sy is ook grootliks verantwoordelik vir die teks van “Where’s the love/Watse liefde?” Hierin word liefde met baie dinge vergelyk, onder andere met ’n rivier in vloed wat alles verwoes as dit deur die plek gespoel het. Die liefde maak seer en die liefde bring hoop. Hierdie produksie word ook met die Pretty Ladies op die planke gebring.

PublikasiesWysig

Jaar Titel van publikasies
2008 Drama therapy community intervention among the Western Cape rural poor: setting the stage

VerwysingsWysig

Tydskrifte en koeranteWysig

  • Burger, Kobus “Vuur op ’n fyn lyn” “Plus” 24 Augustus 2002
  • Pople, Laetitia “Ligte luim vervang '93 se 'post mortem'-fees. Fourie, Venter Kampustoneel-uitblinkers” “Beeld” 15 April 1994

Ander verwysingsWysig