Anne Provoost (gebore 26 Julie 1964) is 'n Vlaamse skryfster wat saam met haar man en drie kinders in Amsterdam woon.

Anne Provoost
Anne Provoost
Gebore26 Julie 1964 (1964-07-26) (59 jaar oud)
Poperinge, België
NasionaliteitVlag van België België
Beroepskryweres

Loopbaan wysig

Anne Provoost is in Poperinge gebore. Sy het in 'n gesin van vier kinders in Wes-Vlaandere grootgeword en Germaanse tale studeer aan die Katolieke Universiteit Leuven. Alhoewel sy van kleins af stories geskryf het, het sy niks daarvan gedink nie, voordat sy as student begin kompetisies wen het. Sy het haar opleiding voortgesit met 'n eenjarige kursus in pedagogiek. Nadat sy met Manu Claeys getroud is het sy by hom aangesluit in Minneapolis, Verenigde State, waar hy Amerikaanse letterkunde studeer het. Gedurende hierdie tyd het sy bydraes begin lewer aan Belgiese en Amerikaanse koerante vir kinders, en ook haar eerste roman Mijn tante is een grindewal geskryf, wat in die VSA afspeel. Sy het in 1989 teruggekeer na België en deeltyds vir 'n internasionale uitruilorganisasie gewerk. Na die sukses van haar tweede roman, Vallen, het sy egter besluit om haar voltyds aan haar skryfwerk te wy.

Anne Provoost is bekend daarvoor dat sy mites, volksverhale, sprokies en bybelverhale herskep. Sy skryf gewoonlik een keer per jaar 'n brief aan Hans Christian Andersen. [1] Afgesien van romans skryf Provoost ook essays oor literatuur en kinderlektuur [2] en kortverhale. Haar werk is in baie Europese tale vertaal, sowel as Afrikaans, Amhaars, Arabies en Turks.

Sy het in 2003 'n lid geword van die Koninklijke Academie voor Nederlandse Taal en Letteren.[3]

Werke wysig

Pryse en eerbewyse wysig

  • 1991 - Boekenleeuw vir Mijn tante is een grindewal
  • 1991 - Prijs voor Letterkunde van de Vlaamse Provincies - Jeugd- en kinderboek, vir Mijn tante is een grindewal
  • 1995 - Zilveren Griffel vir Vallen
  • 1995 - Woutertje Pieterse-prys vir Vallen
  • 1995 - Gouden Uil vir Vallen
  • 1995 - Boekenleeuw vir Vallen
  • 1996 - Prijs Letterkunde van de Vlaamse Provincies - Jeugd- en Kinderboek vir Vallen
  • 1998 - Gouden Zoen vir De roos en het zwijn
  • 1998 - Boekenleeuw vir De roos en het zwijn
  • 2000 - Luchs-Award van Die Zeit vir De roos en het zwijn
  • 2000 - Prijs van Nordrhein-Westfalen vir Mijn tante is een grindewal, Vallen en De Roos en het zwijn
  • 2001 - Sonderpreis van de Jury der Jungen Leser (Oostenryk) vir De roos en het zwijn
  • 2002 - Gouden Zoen vir De arkvaarders
  • 2002 - Boekenwelp vir De arkvaarders
  • 2004 - Children's Book Sense Picks USA vir De arkvaarders
  • 2005 - Prijs Letterkunde van de Provincie West-Vlaanderen - Jeugd- en Kinderboek vir De arkvaarders
  • 2006 - Benoem vir die IMPAC Dublin Internasionale-toekenning vir De arkvaarders
  • 2007 - Voordrag vir die Hans Christian Andersen-prys, 2007
  • 2007 - Langlys vir die Libris Literatuur Prijs vir In de zon kijken
  • 2008 - Vrouw & Cultuur Debuutprijs vir In de zon kijken
  • 2009 - De driejaarlijkse Cultuurprijs van de Vlaamse Gemeenschap (dit was vroeër die Staatsprijs voor proza) vir In de zon kijken

Sien ook wysig

Verwysings wysig

  1. 'n Vertaling van haar tweede brief is beskikbaar op haar webwerf Geargiveer 15 Januarie 2020 op Wayback Machine
  2. So here's the Bad News: the Child as Antagonist (2004) is available on her website Geargiveer 22 September 2020 op Wayback Machine
  3. "Anne Provoost - Beminde Ongelovigen". www.anneprovoost.be. Geargiveer vanaf die oorspronklike op 15 Januarie 2020. Besoek op 19 Oktober 2020.

Bibliografie wysig

Eksterne skakels wysig