Anund Uppsale
Anund Uppsale (Oudnoors: Önundr Uppsali) was volgens die Hervarar saga 'n legendariese Sweedse koning en die seun van Erik Björnsson. Hy het saam met sy broer, Björn at Haugi, regeer. Anund word "Uppsale" genoem omdat hy in die tydperk se godsdienssentrum, Ou Uppsala, gewoon het.
In die Hervarar saga
wysigDie Hervarar saga is 'n Yslandse bron uit die 13de eeu. Dit lui: "Die seuns van Björn Ysterkant was Erik en Refil. Laasgenoemde was 'n vegterprins en seekoning. Koning Erik het ná sy pa oor die ryk regeer en net kort gelewe. Toe het Erik die seun van Refil die troon bestyg. Hy was 'n goeie vegter en baie magtige koning. Die seuns van Erik Björnsson was Önundr (Anund) van Uppsala en koning Björn. Toe is die ryk weer onder broers verdeel. Hulle het die troon bestyg ná die dood van Erik Refilsson. Koning Önund het 'n seun met die naam Erik gehad, en hy het die troon van Uppsala ná sy pa bestyg. Hy was 'n magtige koning. In sy tyd het Harald Skoonhaar koning van Noorweë geword. Hy was die eerste een wat die hele land verenig het.[1]
Die saga plaas koning Anund in die eerste helfte van die 9de eeu, want sy seun Erik Anundsson het in dieselfde tyd as Harald Skoonhaar gelewe.[2]
Verwysings
wysig- ↑ "Hervarar saga ok Heiðreks", Guðni Jónsson en Bjarni Vilhjálmsson se weergawe by Norrøne Tekster og Kvad. Engelse vertaling deur N. Kershaw: "The Saga of Hervör and Heithrek" Geargiveer 27 Desember 2006 op Wayback Machine in Stories and Ballads of the Far Past, vertaal uit Noors, Yslands en Faroëes. Cambridge University Press, 1921.
- ↑ Jónsson, Finnur (1890). "Om skjaldepoesien og de ældste skjalde", in Kock, Axel (red.). Arkiv för nordisk filologi, sjätte bandet. Ny följd: andra bandet. C.W.K. Gleerups förlag, Lund. p. 144.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Erik Refilsson |
Legendariese Sweedse koning | Opvolger Erik Anundsson → |