Arak
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Arak is ‘n naam vir ‘n wye verskeidenheid onverwante alkoholiese dranke wat dwarsdeur Asië vervaardig word.
VerspreidingWysig
- Arak is in Jordanië, Sirië, Libanon, Irak, Israel en Turkye (dus in die Midde-Ooste) ‘n anyslikeur vervaardig uit druiwe en gegeur met anys.
- Arak (ook bekend as koumiss) is vir die Mongole en Tartare van Mongolië ‘n alkoholiese drank vervaardig uit gegiste perdemelk.
- Arak (ook bekend as ryswyn) is ‘n gewilde drank in Indonesië, die Filippyne, Sri Lanka en Indië. Hierdie ryswyn staan in Engels bekend as arrack.
EtimologieWysig
Die woord arak het uit die Arabies arak at-tamr, wat beteken “sweet van dadels”, via Maleis en Nederlands in Afrikaans beland.
IndonesiëWysig
Arak of ryswyn was ‘n gewilde sterk alkoholiese drank in die koloniale tydperk van Java. So het dit ook aan die Kaap bekend geword. Dit word dikwels in ‘n tuisnywerheid gedistilleer van gegiste suikerriet, rys en ander bestanddele. Die onwettige produksie daarvan lei dikwels tot alkoholvergiftiging en die dood.
Suid-AfrikaWysig
Om die Khoikhoi aan te moedig om beeste te bring om te verkoop, het die koloniste aan die Kaap arak aangebied om die handel te bevorder. Helaas het verskeie van die Khoikhoi aan die drank verslaaf geraak.
BibliografieWysig
- Ensiklopedie van die wêreld, deel 1. Stellenbosch: Albertyn-uitgewery, 1992. ISBN 0-949948-18-7
- de Wet, Con en Leon Hattingh en Jan Visagie (reds.): Die VOC aan die Kaap, 1652-1795. Pretoria: Protea Boekhuis, 2016. ISBN 978-1-4853-0019-9