Hierdie artikel handel oor die etniese groep. Vir die taal, sien Tartaars.

Die Tartare of Tatare (Russies: татары; Tartaars: татарлар) is 'n Turkse etniese groep inheems aan die Europese deel van Rusland en die Wolga se middelloop.[1] Hulle praat Tartaars, 'n Turkse taal, as moedertaal en Russies as tweede taal. Die Tartare is hoofsaaklik aanhangers van die Soennitiese Islam, gevolg deur 'n klein minderheid Oosters-Ortodokse Christene.

Tartare





Totale bevolking: ca. 6 800 000
Belangrike bevolkings  in: Vlag van Rusland Rusland (uitsluitende die Krim) 5 319 877

Vlag van Oesbekistan Oesbekistan 477 875
Vlag van Oekraïne Oekraïne (insluitende die Krim) 319 377
Vlag van Kasakstan Kasakstan 240 000
Vlag van Turkye Turkye 175 500
Vlag van Turkmenistan Turkmenistan 36 355
Vlag van Kirgisië Kirgisië 28 334
Vlag van Azerbeidjan Azerbeidjan 25 900
Vlag van Roemenië Roemenië 24 137
Vlag van Israel Israel 15 000
Vlag van Belarus Belarus 7 300
Vlag van Frankryk Frankryk 7 000
Vlag van Litaue Litaue 6 800–7 200
Vlag van die Volksrepubliek China Volksrepubliek China 5 000
Vlag van Kanada Kanada 2 850
Vlag van Estland Estland 1 981
Vlag van Pole Pole 1 916
Vlag van Bulgarye Bulgarye 1 803
Vlag van Finland Finland 900

Taal: Tartaars, Russies
Geloofsoortuiging: Soennitiese Islam, Oosters-Ortodokse Kerk
Verwante etniese groepe: Ander Turkse volke soos Azerbeidjanners, Basjkiriërs, Gagaoesiërs, Karakalpakke, Kasakke, Kirgisiërs, Oeigoere, Oesbeke, Tsjoewasjiërs, Turke en Turkmene; Russe; Ander Tartare soos Dobroedja-Tartare, Krim-Tatare, Siberiese Tartare en Wolga-Tartare
Verspreiding van die Tartare
Verspreiding van die Tartare in Rusland volgens die 2010-sensus

Tartare vorm die tweede grootste etniese groep in Rusland na die Russe en maak sowat 3,9% van dié land se bevolking volgens die sensus van 2010 uit. Die meeste Tartare leef in die outonome republieke Tartarstan en Basjkortostan (Rusland), gevolg deur Oesbekistan, Oekraïne, Kasakstan en Turkye. In Oekraïne bly Tartare veral in die outonome republiek Krim (Krim-Tatare) en in Rusland naas die westelike deel (Wolga-Tartare) veral in Siberië (Siberiese Tartare).

Die eerste verwysing na Tartare verskyn op die Kul Tigin-monument in die Oud-Turkse skrif as 𐱃𐱃𐰺. Histories verwys die term na 'n verskeidenheid van Turko-Mongoolse semi-nomadiese ryke, wat die Tartarye se uitgestrekte gebied oorheers het. Na die Mongoolse Ryk, wat in 1206 deur Djengis Khan gestig is, en die daaropvolgende Goue Horde is deur Europeërs as Tartare verwys. Die term Tartare is 'n vermenging van die Turkse volk se eienaam en Tartaros uit die Griekse mitologie.[2]

Verwysings wysig

  1. (en) "Tatar". Encyclopædia Britannica. Geargiveer vanaf die oorspronklike op 5 Mei 2020. Besoek op 18 Augustus 2020.
  2. (de) Stephan Theilig (2011). Historische Konzeptionen von Körperlichkeit. Frank & Timme GmbH. p. 109. ISBN 978-3-86596-333-8. Besoek op 2 Maart 2020.

Eksterne skakels wysig