Archangelsk

’n stad in Rusland
Vir ’n artikel oor die oblast met dieselfde naam, sien Archangelsk-oblast.

Archangelsk (Russies: Арха́нгельск [ʌrˈxangʲɛlʲsk]; wetenskaplike transliterasie: Archangel'sk) is ’n stad in die noorde van Rusland en die administratiewe setel van die federale deelgebied Archangelsk-oblast, geleë naby die monding van die Dwina in die Witsee. Die bevolking in 2013 was 350 985. Die stadsgebied strek oor 'n afstand van meer as 40 km langs die oewers van die Noordelike Dwina (Sewernaja Dwina) en oor talle eilande in sy rivierdelta.

Archangelsk

Архангельск
Stad
Archangelsk in die nag
Archangelsk in die nag
Wapen van Archangelsk
Wapen
Ligging van Archangelsk-oblast in Rusland
Ligging van Archangelsk-oblast in Rusland
Archangelsk is in Rusland Archangelsk-oblast
Archangelsk
Archangelsk
Ligging van die stad Archangelsk in
Archangelsk-oblast
Koördinate: 64°32′N 40°32′O / 64.533°N 40.533°O / 64.533; 40.533Koördinate: 64°32′N 40°32′O / 64.533°N 40.533°O / 64.533; 40.533
LandVlag van Rusland Rusland
DeelgebiedArchangelsk-oblast
Stigting1584
Regering
 • TipeStad-okroeg
 • BurgemeesterIgor Godzisj
Bevolking
 • Totaal350 985
TydsoneUTC+04:00
Webwerfhttp://www.arhcity.ru/
Die Anglikaanse Kerk van Archangelsk, 'n houtgebou wat in 1853 opgerig is, getuig van die historiese handelsbande met Engeland wat oorspronklik deur die Muscovy Company aangeknoop is. Klein groepe Engelse handelslui het hulle hier gevestig
'n Russiese ikoon van 1741 deur 'n onbekende meester beeld die aartsengel Michael as beskermer van Archangelsk uit

Archangelsk, wat met die versterking van die 12de eeuse Aartsengel Michaelklooster in 1584 as Nowocholmogorskij Gorod gestig en deur tsaar Iwan IV aangewys is as die eerste (en voorlopig enigste) Russiese seehawe van waar internasionale handel met Engeland, die Lae Lande en ander Wes-Europese lande kon word.[1]

Rusland het in hierdie tydperk, toe alle oostelike kusgebiede onder Poolse en Sweedse beheer was, nog nie oor enige seehawe langs die Oossee beskik nie. So was Archangelsk tot in die 1720's, toe dit deur Sint Petersburg verbygesteek is, die belangrikste seehawe van Middeleeuse en vroeë moderne Rusland.

Eers gedurende die Groot Nordiese Oorlog tussen 1700 en 1721 het die prentjie begin verander nadat tsaar Pieter I in 1703 daarin geslaag het om 'n kusstreek in die noordooste te verower. Hier, naby die Sweedse vesting Nyenskans, sou sy nuwe hoofstad, Sint Petersburg, ontstaan. Tsaar Pieter die Grote het Archangelsk tot Rusland se grootste vlootbasis laat uitbou en ook 'n skeepswerf hier laat oprig. Vir die res van die 18de eeu is volgens beramings sowat die helfte van Rusland se buitelandse handelstrome deur Sint Petersburg se hawe gehanteer, veertig persent deur ander Russiese Oosseehawens (hoofsaaklik Riga, Reval en Narva) en net tien persent deur Archangelsk.[2]

Tans is Archangelsk een van die vernaamste nywerheidstede in Noord-Rusland. Naas Moermansk en Anadir is sy seehawe die belangrikste vertrekpunt vir plesierbootvaarte na die Arktiese Seegebied.

Verwysings wysig

  1. Eric Wijnroks: Handel tussen Rusland en de Nederlanden, 1560−1640. Een netwerkanalyse van de Antwerpse en Amsterdamse kooplieden, handelend op Rusland. Hilversum: Uitgeverij Verloren 2003, bl. 327
  2. J.W. Veluwenkamp: Economic Relations between Western Europe and Russia, 1600−1800. In: Pieter Holtrop & Henk Slechte (reds.): Foreign Churches in St. Petersburg and Their Archives, 1703−1917. Brill's Series in Church History, Volume 29. Leiden • Boston 2007, bl. 33

Verdere leesstof wysig

Eksterne skakels wysig

Wiki-webtuistes

Amptelike webtuistes

Tydskrifartikels