Watermuishond
Die watermuishond (Atilax paludinosus) is 'n klein soogdier wat tussen riete en plante langs waterliggame soos riviere en damme woon. Hulle staan ook bekend as die Kommetjiegatmuishond of Kommetjiemuishond.
| Watermuishond | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Mammalia |
| Orde: | Carnivora |
| Suborde: | Feliformia |
| Familie: | Herpestidae |
| Genus: | Atilax |
| Spesie: | A. paludinosus
|
| Binomiale naam | |
| Atilax paludinosus Cuvier, 1829
| |
| |
| Verspreidings-kaart | |
Habitat
wysigDie watermuishond is oor die hele Afrika versprei en kom veral in gebiede voor wat ryk aan water is. Daar is geen rekord van watermuise wat in bergagtige gebiede woon nie, waar daar 'n tekort aan water en dus ook waterliewende diere is.
Identifisering
wysigWatermuishonde is oorwegend donkerbruin en 'n gemiddelde volwassene het 'n lengte van 60 cm en 'n massa van 3,3 kg. Die nek, liggaam en stert is met 'n dik pels gedek. Die pote is kort en die voorpote is uiters sag en sensitief.
Gedrag
wysigWanneer die diere bedreig of agtervolg word, sal hulle in die water vlug of grom, met opvolgende, blaffende grommery. Watermuishonde kan ook 'n bruin, onwelriekende vloeistof uit hulle anale sakke vrystel wanneer hulle vasgekeer of ontstel is.
Wanneer hulle opgewonde is, uiter watermuishonde 'n hoë-frekwensie gil en 'n oop-mond geblêr. Hulle word min alleen gesien en is baie territoriaal.
Dieet
wysigWatermuishonde is omnivore en vreet hoofsaaklik waterliewende organismes, soos vis, paddas, varswaterkrappe, mossels en slakke. Verder sal hulle ook insekte (en hulle larwes), duisendpote, slange en voëls vang. Hulle vreet ook graag voëleiers en verskeie vrugte. 'n Watermuishond sal geduldig hulle pote gebruik om deur modder en water vir kos te soek. Harde voorwerpe soos mossels, krappe en eiers word gewoonlik hard neergegooi om die dop te kraak.
Voortplanting
wysigWanneer 'n watermuishond 255 dae (ongeveer 8,5 maande) oud is, is dit geslagsryp. Watermuishonde paar twee keer per jaar: een keer tydens die droë seisoen en keer tydens die reënerige seisoen. Voor geboorte sal die wyfie 'n nes uit droë gras bou in 'n gat in die grond. Indien geen gate beskikbaar is nie, sal sy 'n nes bo-op die grond bou van riete, gras en stokkies. Sy is vir 76 dae dragtig waarna sy telkens aan twee kleintjies geboorte gee. Met geboorte weeg die kleintjies 100 g. Hulle word dan vir 36 dae gespeen, waartydens hulle massa tot 550 g toeneem. Watermuishonde het 'n moontlike lewensduur van 20,8 jaar.
Watermuishonde as troeteldiere
wysigWatermuishonde word baie mak wanneer hulle gevang word terwyl hulle nog klein is. Hulle is skoon diere wat maklik is om aan te hou.
Sien ook
wysigVerwysings
wysig- ↑ Hoffmann, M. & Ray, J. (2008). Atilax paludinosus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 22 March 2009. Databasis inskrywing gee kort verdediging hoekom hierdie spesie nie bedreigd is nie.
Bronnelys
wysig- Mustelid Specialist Group (1996). Atilax paludinosus. 2006 IUCN Red List of Threatened Species. IUCN 2006. Verkry op 12 Junie 2008.
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
- Longevity, ageing and life history of Atilax paludinosus, by die webwerf van genomics.senescence.info.
- Nocon, W. 1999. "Atilax paludinosus" (On-line), Animal Diversity Web. Verkry op 12 Junie 2008 by "Atilax paludinosus".