Attie du Plessis

Suid-Afrikaanse sakeleier en voormalige direkteur van Sanlam

Adriaan Sarel du Plessis (9 Maart 1944 – 1 September 2019) was 'n Suid-Afrikaanse sakeleier en voormalige direkteur van Sanlam. Hy was ook die broer van Barend du Plessis.

Attie is in Boksburg gebore. Sy ouers is Jan-Hendrik en Martie du Plessis. Sy pa het by die spoorweë gewerk en het later 'n slaghuis gehad. Sy skoolloopbaan het hy aan die Laerskool Baanbreker en Hoërskool Voortrekker voltooi. Hy het verskeie grade en diplomas in die ekonomie aan die universiteite van Stellenbosch, Wits, UNISA en Harvard verwerf.

Hy het verskeie nie-uitvoerende poste beklee by onder andere ABSA, KWV, Punter Southall Group, Gencor, Sentrachem, Unisys, Nissan en Siemens.

Hy word oorleef deur sy vrou Barbara, twee dogters, Barbara en Adrè, sy seun Jan-Hendrik en vyf kleinkinders.

BronWysig

  • Sakeleier onthou vir sy rol in Vredesakkoord. Rapport, 8 September 2019