Maak hoofkeuseskerm oop

Avro Lancaster

Britse viermotorige bomwerper

Die Avro Lancaster is 'n Britse viermotorige bomwerper. Die vliegtuig het tydens Tweede Wêreldoorlog homself bewys as 'n pakesel wat baie vyandelike vuur kon verduur. Die vliegtuig is ontwikkel uit die onsuksesvolle Avro Manchester, 'n tweemotorige bomwerper. Die eerste prototipe is die Manchester III genoem. Dit het ook drie stertvinne gehad maar was met vier 1 130 perdekrag Rolls-Royce Merlin X motors toegerus. Hierdie prototipe het op 9 Januarie 1941 sy nooiensvlug onderneem. Nege maande later het die eerste produksiemodel, die MK I, gevlieg en op 2 Maart 1942 het die Lancaster sy eerste vlug in aksie onderneem en agt dae later bomme oor Essen neergelaat.

Avro Lancaster
Avro Lancaster B I PA474 2.jpg
Tipe Strategiese bomwerper
Vervaardiger Avro
Nooiensvlug 9 Januarie 1941
Bekendstelling 2 Maart 1942
Status Uit diens gestel
Hoofgebruiker Britse Lugmag
Ontwikkel van Avro Manchester

Die vliegtuig is ook bekend vir die Tallboy, Grand Slam en tollende bomme wat hulle gedra het.

OntwikkelingWysig

Die eerste model was die Mk I en die laaste variant was die MK VII. Die MK I produksievliegtuig was toegerus met Rolls-Royce Merlin XX motors. Die tweede prototipe was die MK II en was toegerus met 1 725 perdekrag Bristol Hercules stermotors. Dit is gedoen as 'n veiligheidsmaatreël net ingeval Rolls-Royce nie genoeg Merlin motors kon voorsien nie. Die Merlin motor was ook gebruik vir ander vliegtuie onder andere die Spitfire. Armstrong Whitworth het 300 MK II's gebou.

Die MK III was aangedryf deur die Packard vervaardigde Merlin motors. Die bomrigter se kajuitvensters is ook verbeter.

Die MK IV en V was heeltemal herontwerp en het later bekend gestaan as die Avro Lincoln.

Die MK VI was slegs MK III's wat toegerus was met Merlin 85 of 87 motors.

Die laaste Britse variant was die MK VII waarvan 180 deur Austin gebou is.

Tegniese besonderhedeWysig

Besonderhede van die Avro Lancaster MK I:
Item Statistiek
Aantal motors 4
Tipe motor Skroef
Vervaardiger Rolls-Royce Merlin XX
Kraglewering per motor 1280 perdekrag
Vlerkspan 31,09 m
Lengte 21,13 m
Hoogte 5,97 m
Maks. opstygmassa 30,844 kg
Maks. snelheid 462 km/h op 3505 m
Operasionele hoogte 7 467m
Togafstand met bomvrag van 5 443 kg 2 784km
Bewapening Agt 0.303 Browing-masjiengewere

BronWysig