BMW M30
Die BMW M30 is 'n EBNA inlynsessilinderpetrolenjin wat van 1968 tot 1995 vervaardig is. Met 'n produksietydperk van 27 jaar is dit die BMW-motor wat die langste vervaardig is en in baie motormodelle gebruik is.
 | |
| Oorsig | |
|---|---|
| Vervaardiger | BMW |
| Produksietyd | 1968–1995 |
| Konfigurasie | Inlynsessilinder |
| Afmetings | |
| Inhoudsmaat | 2,5–3,4 L (2 494–3 430 cc) |
| Boorwydte | 86.0 mm, 89.0 mm, 92.0 mm |
| Slaglengte | 71.6 mm, 80.0 mm, 86.0 mm, 88.0 mm |
| Blok | Gietyster |
| Kopstuk | Aluminium |
| Stelsels | |
| Klepwerking | EBNA |
| Brandstoftipe | Petrol |
| Plek in geskiedenis | |
| Voorganger | BMW M337 |
| Opvolger | BMW M50 |
Die enjin het die byname van 'Big Six' en 'Senior Six' gekry na die bekendstelling van die kleiner BMW M20-reguitsesenjin in die laat 1970's. Die M30 is saam met die M20 geproduseer gedurende die hele M20-produksie, en voor die bekendstelling van die BMW M70 V12-enjin in 1987, was die M30 BMW se kragtigste en grootste produksie enjin.
Na die bekendstelling van die BMW M50-enjin in 1990, is begin om die M30 uit te faseer.
Ontwerp wysig
Die M30 is oorspronklik in die laat 1960's ontwikkel, losweg gebaseer op die BMW M10-viersilinder-enjin wat die eerste keer in die BMW New Class- sedan en koepees gebruik is. Aanvanklik was die enjinkode "M06" totdat dit later herdoop is na die M30. [1] [2]
Algemene kenmerke tussen die M10 en M30 sluit in 'n profiel wat 30 grade skuins na regs kantel, 'n kruisvloeisilinderkop en kettinggedrewe nokas met tuimelaarklepbediening. Verdere ooreenkomste sluit in 'n gietysterblok met 'n aluminiumkop en 'n gegote krukas. Die eerste twee M30-enjins wat bekendgestel is, was die 2788 cc en die 2494 cc weergawes, wat albei 'n boor van 86 mm gehad het.
.jpg)
Verwysings wysig
- ↑ "Bow Down To The E28 M5; Performance Cars Would Be Nothing Without It". www.carthrottle.com (in Engels). Besoek op 1 Desember 2018.
- ↑ "The Beginning of a Legacy – A BMW Motor Evolution". www.drive4corners.com. Besoek op 1 Desember 2018.