Baviaanskloofrivier

Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

Die Baviaanskloofrivier is 'n rivier wat deur die Kaapse Plooiberge van die Wes-Kaap vloei tot uiteindelik in die Oos-Kaap van Suid-Afrika. Die rivier se oorsprong is aan die oostekant van die Klein Karoo, en volg 'n vallei tussen die berge ooswaarts. Dit eindig by 'n samevloeiing met die Kougarivier, sowat 80 km van sy oorsprong.

Baviaanskloofrivier
Kinders met donkiekar by Zandvlakte aan die Baviaanskloofrivier Kinders met donkiekar by Zandvlakte aan die Baviaanskloofrivier
Stroomgebied	Wes- en Oos-Kaap, Suid-Afrika
Oorsprong	Oos van die Klein Karoo
Monding	Kougarivier
Lengte	80 km
Monding-hoogte	165 m
Baviaanskloofrivier
Koördinate: 33°39′57″S 24°23′30″O

Dit word omring deur die Baviaanskloofberge na die noorde en die Kougaberge in die suide, en dit ontvang talle klein sytakke aan beide kante. Landbounedersettings langs die rivier sluit Studtis en Sandvlakte in. Die vallei is sowat 35 km noord van die Langkloof, wat vergelykbaar is maar effe groter.

Die Kougarivier, wat deur die Langkloof vloei het die geïsoleerde Baviaanskloofrivier as sy belangrikste sytak. Die Baviaanskloofrivier is deel van die Vis-na-Tsitsikama Waterbestuursgebied. Daar was 'n groot vloed in die kloof op 5 Mei 1916; die Campbell-monument is opgerig ter ere van die slagoffers.

Baviaan, wat bobbejaan beteken, is 'n vertaling van die rivier se oorspronklike Khoikhoinaam, i Ncwama​​, wat glo ook "bobbejaan" beteken.