Beaux Arts Trio

Die Beaux Arts Trio was 'n gerekende klaviertrio en een van die voorste musikale groepe wat bewonder en gevier was vir hul emosionele diepte en wye repertorium. Die trio het hul debuut op 13 Julie 1955 tydens die Berkshire Musiek-fees in Lenox, Massachusetts, Verenigde State - welke vandag bekend staan as die Tanglewood Musiek-fees- gemaak. Hulle finale Amerikaanse konsert was gehou te Tanglewood op 21 Augustus 2008. Dit was lewendig op die internet uitgesaai (webcast), en was op NPR Music geargiveer. Die trio se finale konsert het in Luzern, Switserland op 6 September 2008 plaasgevind.

The Beaux Arts Trio in 1980

Die Beaux Arts Trio het die gehele klaviertrio repertorium opgeneem. In 2005 het die trio sy 50ste bestaansjaar gevier met twee spesiale CD uitreikings. Een van die CDs het hul mees gewilde uitreikings gedurende hulle lang jare van opnames bevat (uitgereik deur Philips Records), en die ander het 'n herdenkings-versameling van nuwe musiek bevat (vrygestel deur Warner Records). Die trio was regdeur sy bestaan bymekaar gehou deur Menahem Pressler, die stigterslid en pianis. Die oorspronklike lede van die trio by die stigting daarvan in 1955 was soos volg:

• Klavier: Menahem Pressler
• Viool: Daniel Guilet
• Tjello: Bernard Greenhouse

Die viool- en tjello-lede het gereeld verander, met latere lede as volg:

• Viool: Isidore Cohen (1968–1992; voormalig tweede violis van die Juilliard Strykkwartet), Ida Kavafian (1992–1998), Yung Uck Kim (1998–2002), Daniel Hope (2002–2008)
• Tjello: Peter Wiley (1987–1998; hy het daarna aanbeweeg na die Guarneri Kwartet), Antonio Meneses (1998–2008)

In Julie 2015 het Decca Classics 'n 60-CD boksstel vrygestel om die trio se 60ste herdenking te vier.

Eksterne skakels

• Beaux Arts Trio webwerf
• Beaux Arts Trio konserte en onderhoude op NPR radio (veral die laaste konsert)
• 'n Lewendige uitvoering op YouTube van Dvořák se Dumky-trio, soos gespeel op 20 April 2008 by die Herbst-teater, San Francisco