Maak hoofkeuseskerm oop

Belgravia [bɛlˈɡreɪviə] is 'n Londense stadsbuurt in die City of Westminster en die Royal Borough of Kensington and Chelsea. Die buurt, wat deur klassisistiese boukuns en duur residensiële eiendomme gekenmerk word, word onder die welvarendste woonkwartiere ter wêreld gereken. Groot dele daarvan, wat as Grosvenor Estate bekend staan, is steeds in adellike familiebesit en word deur die Hertog van Westminster se Grosvenor Group bestuur. Volgens die Leasehold Reform Act van 1967 was die Grosvenor Estate genoodsaak om baie van sy erwe in vrye erfpag aan vroeëre huurders te verkoop.

Belgravia
29−37 Chesham Place
29−37 Chesham Place
Ligging van Belgravia op 'n kaart (Groter Londen)
Belgravia
Belgravia
Koördinate: 51°30′00″N 0°09′44″W / 51.50000°N 0.16222°W / 51.50000; -0.16222Koördinate: 51°30′00″N 0°09′44″W / 51.50000°N 0.16222°W / 51.50000; -0.16222
Land Vlag van Verenigde Koninkryk Verenigde Koninkryk
Land Flag of England.svg Engeland
Graafskap Groter Londen
Borough City of Westminster
Kensington & Chelsea
Tydsone MGT (UTC±00:00)
 - Somer (DST) BST (UTC+01:00)
Poskode SW1
Skakelkode(s) 020

Die Grosvenors se familiegeskiedenis strek byna 1000 jaar terug tot in die tydperk van Willem die Veroweraar. Die familie se eiendomsbelange dateer uit die laat 17de eeu toe Sir Thomas Grosvenor in 1677 met Mary Davies in die huwelik getree het. Die Grosvenors het hierdeur grond wes van die City of London verwerf, bestaande uit moerasse, weiland en vrugteboorde, waarop later die nuwe stadsbuurte Mayfair en Belgravia ontstaan het. Die Grosvenors het steeds belange in albei kwartiere.[1] Die naam Belgravia is ontleen aan een van die Hertog se sekondêre adellike titels, Viscount Belgrave (Burggraaf Belgrave).

Die huidige buurt is suidwes van Buckingham-paleis geleë en word rofweg begrens deur Knightsbridge in die noorde, Grosvenor Place en Buckingham Palace Road in die ooste, Pimlico Road in die suide en Sloane Street in die weste.

VerwysingsWysig