Die berk genus Betula omvat ongeveer 30 soorte, met 'n natuurlike noordelike halfrond verspreiding. Die genus toon besondere kouebestandheid. Dit is bykans die enigste bome wat inheems aan Groenland en Ysland is.[1] Dit is in Yslands as die "björk" bekend. Die berk is 'n pioniersplant.

Berkebome
Die Silwerberk
Wetenskaplike klassifikasie
Koninkryk:
Divisie:
Klas:
Orde:
Familie:
Genus:
Betula
Subgenus
  • Betulenta
  • Betulaster
  • Neurobetula
  • Betula
  • Chamaebetula

Kenmerkend van die berk is die horisontaalgebande afskilfering van die bas op die stam. Die nuwe bas is soms wit, maar kan afhangend van die soort ook rooi of soos by meeste soorte bruin wees.

'n Berk se manlike bloeiwyse is geel, hangend, ruspevormig en is reeds voor die aanbreek van winter aanwesig. Die staande vroulike bloeiwyses onder aan die manlike bloeiwyses is in knopskubbe gehul. Die vrug is 'n klein dubbelgevleuelde neut.

Berke leef in simbiose met bodemskimmels en moet daarom met heelwat wortelgrond verplant word. Hoogstens drie jaar oue bome kan sonder wortelgrond verplant word. Één van hierdie skimmels is die vliegswam.

Berke het voor en tydens die loweruitloop 'n baie sterk sapstuwing en behoort daarom slegs in herfs of winter gesnoei te word.[2]

Verwysings wysig

  1. Bedekking vir die landskap: bebossing in Ysland
  2. "Sorg vir jou berk". Geargiveer vanaf die oorspronklike op 27 September 2008. Besoek op 27 Oktober 2008.