Biblioteek van die VSA-kongres
Die Biblioteek van die VSA-kongres (Engels: Library of Congress) in Washington, D.C. is die nasionale biblioteek van die Verenigde State en een van die belangrikste biblioteke ter wêreld. Die Library of Congress is formeel 'n agentskap van die Amerikaanse Kongres.
GeskiedenisWysig
Die Library of Congress is in 1815 gestig as die navorsingsbiblioteek van die Amerikaanse Kongres. Die boeke van president Thomas Jefferson vorm die basis van die biblioteek. Later het die biblioteek die rol vervul van outeursregtelike beskermer van werke. Wie in die Verenigde State sy werk outeursregtelik wou beskerm, moes twee eksemplare van sy werk gratis by die biblioteek afgee. Laasgenoemde reëling is teenswoordig nie meer van krag nie.
VersamelingsWysig
Met ongeveer 155 miljoen dokumente is die Library of Congress een van die grootste biblioteke ter wêreld. Daar word 29 miljoen boeke en ander drukwerk, 2,7 miljoen klankopnames, 12 miljoen fotos, 4,8 miljoen kaarte en 58 miljoen handskrifte bewaar. Om die dokumente te ontsluit het die Library of Congress 'n unieke klassifikasiestelsel ontwikkel wat afgekort word as Lcc (Library of Congress classification). Die meeste universiteitsbiblioteke in die VSA maak gebruik van die stelsel. Die inventarisnommer van die Library of Congress word by verskeie boeke by voorbaat in die boek afgedruk. Die meeste openbare biblioteke in die VSA pas die Dewey Desimale Klassifikasie toe.[1] Tewens word die webwerf American Memory deur die biblioteek beheer.
PerseelWysig
Die biblioteek bestaan uit drie geboue in Washington D.C. Die belangrikste boeke, byvoorbeeld 'n eksemplaar van die Gutenbergbybel, word hier bewaar.
Kenteken van die Biblioteek van die VSA-kongres
Ander weergawe van die kenteken
Amptelike seël
