Bitcoin in El Salvador
El Salvador het die eerste land in die wêreld geword wat bitcoin as wettige betaalmiddel gebruik het, nadat dit in 2021 deur die Wetgewende Vergadering van El Salvador goedgekeur is. Nayib Bukele, die president van El Salvador, het hom daarvoor beywer. Hy het beweer dat dit die ekonomie sal verbeter deur sodoende die bankwese vir Salvadorane makliker te maak, en ook buitelandse investering sal aanmoedig. Die besluit is beide internasionaal en binne El Salvador gekritiseer weens die wisselvalligheid van bitcoin, die omgewingsimpak daarvan en die gevolglike gebrek aan deursigtigheid rakende die regering se fiskale beleid.
Geskiedenis
wysigAgtergrond
wysigDie colón (SVC) was die amptelike geldeenheid van El Salvador vanaf 1892 totdat dit op 1 Januarie 2001 deur die Amerikaanse dollar vervang is, toe die Wetgewende Vergadering van El Salvador die Monetêre Integrasiewet goedgekeur het onder die administrasie van voormalige president Francisco Flores. Die wet het die vrye sirkulasie van die Amerikaanse dollar in El Salvador gemagtig en die colón uit sirkulasie verwyder.[1] Die doel van die dollarisering van El Salvador was om finansiële stabiliteit te bewerkstellig deur buitelandse investering aan te moedig en transaksiekoste van internasionale handel te verlaag.[2]
Die regering was egter nie in staat om monetêre beleid na dollarisering te beheer nie, aangesien die waarde van geldeenheid gekoppel was aan die Verenigde State se Federale Reserweraad. Die wisselkoers, wat op een Amerikaanse dollar vasgestel is, gelykstaande aan 8,75 colóns, het die koopkrag van die bevolking verminder.[3] Dollarisering het El Salvador se uitvoere vertraag omdat dit nie kon meeding teen die ondergewaardeerde geldeenhede van ander ontwikkelende lande soos China nie. Die gebrek aan finansiële geletterdheid het die bevolking van El Salvador benadeel, aangesien hulle nie geweet het hoe om die Amerikaanse dollar te gebruik nie, en ook nie die waarde daarvan verstaan het nie.[4]
Internasionale oorbetalings het in 2020 23% van die BBP uitgemaak. [5] Dit word tans deur geldsenders gedoen, wat op 'n persoonlike basis werk. [6]
In 2019 het die dorpie El Zonte bitcoin as 'n betaling aangeneem na 'n skenking van $100 000 se bitcoin van 'n anonieme skenker. [7] Die skenking het gekom met die bepaling dat die dorp 'n sirkulêre ekonomie aanneem wat op bitcoin gebaseer is.[8] Baie inwoners in El Zonte het nie toegang tot bankdienste gehad nie, en het toegang verkry tot bitcoin deur mobiele toestelle en Bitcoin OTM'e in kommersiële gebiede.[9][10] Die dorpie het sedertdien bekend geword as "Bitcoin Beach", en is aangehaal as 'n voorbeeld van die gebruik van kriptogeldeenheid as wettige betaalmiddel deur voorstanders van bitcoin.[11] Vanaf 2022 het Honduras en Guatemala ook pogings aangewend om toeriste te lok deur die gebruik van bitcoin in "bitcoin-hubs."[12][13]
Verwysings
wysig- ↑ "Historic Outline". www.bcr.gob.sv. Geargiveer vanaf die oorspronklike op 8 Junie 2021. Besoek op 14 Augustus 2021.
- ↑ Towers, Marcia; Borzutzky, Silvia (2004). "The Socioeconomic Implications of Dollarization in El Salvador". Latin American Politics and Society. 46 (3): 29–54. doi:10.1111/j.1548-2456.2004.tb00284.x. ISSN 1531-426X. JSTOR 4141619. S2CID 232393394.
- ↑ "El Salvador marks 20 years of dollarization with weak economic impulse". The Tico Times | Costa Rica News | Travel | Real Estate (in Engels (VSA)). 4 Januarie 2021. Besoek op 27 Januarie 2022.
- ↑ voicesontheborder (8 Junie 2011). "Ten Years Later- The Impact of Dollarization in El Salvador". Voices on the Border (in Engels). Geargiveer vanaf die oorspronklike op 6 Augustus 2021. Besoek op 14 Augustus 2021.
- ↑ Hawkins, John (13 Junie 2021). "Can Bitcoin become a real currency? Here's what's wrong with El Salvador's crypto plan". The Conversation. Geargiveer vanaf die oorspronklike op 23 Augustus 2021. Besoek op 23 Augustus 2021.
- ↑ Coker, David (9 Junie 2021). "Bitcoin: El Salvador's grand experiment". The Conversation. Geargiveer vanaf die oorspronklike op 23 Augustus 2021. Besoek op 23 Augustus 2021.
- ↑ "El Salvador Is Betting on Bitcoin to Rebrand the Country — and Strengthen the President's Grip". Time (in Engels). Besoek op 27 Januarie 2022.
- ↑ "Welcome to Cryptoland: How Bitcoin Made it Big in El Salvador". www.vice.com (in Engels). Besoek op 27 Januarie 2022.
- ↑ "In a world first, El Salvador makes bitcoin legal tender". Reuters (in Engels). 10 Junie 2021. Geargiveer vanaf die oorspronklike op 12 Augustus 2021. Besoek op 14 Augustus 2021.
- ↑ Koffman, Tatiana. "This El Salvador Village Adopts Bitcoin As Money". Forbes (in Engels). Geargiveer vanaf die oorspronklike op 10 Augustus 2021. Besoek op 10 Augustus 2021.
- ↑ Han, Lisa Kailai. "Inside 'Bitcoin Beach': The town of El Zonte operates the world's first full crypto economy. Its founders shared a behind-the-scenes look at the initiative — and other hot spots to watch for the everyday use of tokens". Business Insider (in Engels (VSA)). Besoek op 27 Januarie 2022.
- ↑ "Central America hoped bitcoin would attract tourists. It hasn't worked". Washington Post (in Engels (VSA)). ISSN 0190-8286. Besoek op 9 Julie 2022.
- ↑ "Decreto 57" (PDF).