Black Panther
Die Black Panther (regte naam: T'Challa) is 'n superheld in Amerikaanse strokiesverhale van Marvel Comics. Hy is 'n mutant, 'n menslike subspesie met spesiale magte. Hy is geskep deur die skrywer-redakteur Stan Lee en die kunstenaar Jack Kirby, en verskyn die eerste keer in Fantastic Four #52 (Julie 1966).[1][2]
| Black Panther | |
| |
'n Cosplayer as T'Challa / die Black Panther.
| |
| Skepping | |
|---|---|
| Eerste verskyning | Fantastic Four #52 (Julie 1966) |
| Geskep deur | Marvel Comics Stan Lee en Jack Kirby |
| Uitgebeeld deur | Chadwick Boseman |
| Inligting | |
| Alter ego | T'Challa |
| Spesie | Mutant |
| Geslag | Manlik |
| Nasionaliteit | Wakanda (Afrika) |
T'Challa word uitgebeeld as die koning en beskermer van die fiktiewe Afrikaland Wakanda. Benewens die verhoogde vermoëns wat hy gekry het deur antieke Wakanda-rituele, wat die drink van die sap van die hartvormige krui insluit, maak T'Challa staat op sy geleerdheid in wetenskap, kennis van sy land se tradisies, strawwe fisieke oefening, vegkuns en toegang tot rykdom en gevorderde Wakanda-tegnologie om sy vyande te beveg.
Held uit Afrika
wysig.jpg)
Black Panther is die eerste protagonis met 'n Afrikaherkoms en verskyn in strokiesboeke 'n paar jaar voor vroeë swart helde soos Marvel Comics se Falcon (1969), Luke Cage (1972) en Blade (1973), of DC Comics se John Stewart as die Green Lantern (1971). In een storielyn word die Black Panther-mantel gedra deur Kasper Cole, 'n veelrassige polisieman van New York. Cole het later die bynaam White Tiger aangeneem en 'n bondgenoot van T'Challa geword.
Toe laasgenoemde vir 'n kort ruk in 'n koma was, is die rol van die Black Panther en leier van Wakanda aan sy suster, Shuri, oorgedra.
Black Panther het al talle kere in televisieprogramme, rolprente en videospeletjies verskyn. Chadwick Boseman het die rol van T'Challa vertolk in "Phase Three" van die Marvel Cinematic Universe-flieks: Captain America: Civil War (2016), Black Panther (2018), Avengers: Infinity War (2018) en Avengers: Endgame (2019), en was nadoods die stem van wisselende weergawes van die karakter in die eerste seisoen van die animasiereeks What If...? (2021).
Ná Boseman se dood in 2020 het Letitia Wright, wat in vorige rolprente die rol van Shuri vertolk het, by hom oorgeneem as die Black Panther in Black Panther: Wakanda Forever (2022).
Verwysings
wysig- ↑ Morris, Bryce (1 September 2022). "The Origin of Wakanda's Vibranium Redefines Black Panther's Nation". Screen Rant (in Engels). Besoek op 26 Maart 2023.
- ↑ Cutler, David (21 Maart 2018). "Opinion: Why 'Black Panther' and other comic books belong in the classroom". PBS NewsHour (in Engels (VSA)). Besoek op 26 Maart 2023.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
