Blomlose kwassie
Die blomlose kwassie (Sorocephalus crassifolius) is 'n blomdraende struik wat tot die genus Sorocephalus behoort en deel van die fynbos vorm. Die spesie is endemies aan die Wes-Kaap waar dit voorkom op die Riviersonderendberge. Die plante was laas in die 1980's in blom gesien. Daar is slegs vyftien plante oor.
| Blomlose kwassie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Sorocephalus |
| Spesie: | S. crassifolius
|
| Binomiale naam | |
| Sorocephalus crassifolius Hutch., (1912)
| |
Die struik word slegs 80 cm hoog, neig om uit te sprei en blom van Desember tot Februarie. Die plant spruit weer uit na 'n brand. Die plant is tweeslagtig en bestuiwing vind deur die werking van insekte plaas. Die vrugte word, twee maande nadat die plant geblom het, ryp en die sade val na die grond waar dit deur miere versprei word. Die plant groei op hoogtes van 1280 - 1460 m.
In Engels staan die struik as die Flowerless clusterhead bekend.