Bob Borowsky
Bob Borowsky (1929-) is ’n Suid-Afrikaanse bariton en apteker. Hy het in altesaam 650 opera-, operette- en oratoriumuitvoerings in Suid-Afrika opgetree. Hy het hom veral in operas van Puccini, Verdi en Donizetti vir die eertydse Truk in Pretoria onderskei. Borowsky het talle ligtemusiekkonserte met die sopraan Doris Brasch (1929–2012) aangebied en groot kommersiële sukses daarmee behaal. Hy het ook saam met Leonore Veenemans (1935–1973) opgetree.
Bob Borowsky | |
|---|---|
| Gebore | 1929 |
| Beroep(e) | Apteker, sanger |
| Instrumente | Stem |
| Assosiasies | Doris Brasch Leonore Veenemans |
Ná matrikulasie doen hy aansoek om by die Johannesburgse Filharmoniese Vereniging aan te sluit. Hy sing in 1948 en 1949 in die koor terwyl hy deeltyds aptekerswese studeer. Aan die einde van 1951, nadat hy as 'n apteker gekwalifiseer het, begin hy met sanglesse by Bruce Anderson (1905–1979). Hy besoek Rome vir twee en 'n half jaar en keer in September 1956 na Suid-Afrika terug.[1]
In 1990 emigreer hy na Australië, waar hy tot 2009 nog professioneel gesing het.[2]
Verwysings
wysig- ↑ Who's Who South Africa Geargiveer 11 November 2017 op Wayback Machine, besoek op 28 Februarie 2017
- ↑ HAT Taal-en-feitegids, Pearson, Desember 2013, ISBN 978-1-77578-243-8