Boek van Grotte
Die Boek van Grotte is ’n belangrike Antieke Egiptiese boek oor die onderwêreld wat uit die Nuwe Ryk dateer.[1] Soos ander soortgelyke boeke word dit ook aangetref in die grafkelders van farao's sodat hulle voordeel daaruit kan trek. Dit beskryf die reis van die songod, Ra, deur die ses grotte van die Doeat (onderwêreld) en fokus op die interaksie tussen die songod en die bewoners van die Doeat, insluitende belonings vir die regverdiges en straf vir die vyande van die wêreldorde. Dit is een van die beste bronne oor die Egiptiese idee van die hel.[2]
_fifth_division.jpg)
Die Boek van Grotte het in die 13de eeu v.C. ontstaan.[3] Die oudste bekende weergawe is op die linkermuur van die Osireion in Abydos.[1] Later verskyn dit in die grafkelder van Ramses IV in die Vallei van die Konings.
Inhoud
wysigDie Boek van Grotte beskryf eerstens die reis van Ra van wes na oos deur die Doeat, die goddelike wesens wat hy ontmoet en sy interaksie met hulle. Belangrike landmerke op sy reis is:
- Die grotte van die "regeverdige" afgestorwenes, wat nou goddelike wesens is (1ste en 2de tablo);
- Die grot met Osiris se liggaam en die songod se eie twee goddelike liggame (3de tablo);
- Die uittog uit die onderwêreld vir die sonsopkoms (laaste tablo).
Ra reis onder meer oor die grotte van die hel, waarin die vyande van die wêreldorde (die vyande van Ra en Osiris) vernietig word. Die boek gee ook ’n aanduiding van die topografiese struktuur van die Doeat.[4]
Struktuur
wysigDie boek het geen antieke titel nie en is nie verdeel in die ure van die nag soos ander boeke oor die onderwêreld nie.[5] Dit bevat sewe groot tablo's met altesaam sowat 80 verskillende tonele. Dit is verdeel in twee dele met drie tablo's elk, plus ’n laaste tablo.[6]
Die Boek van Grotte is baie meer letterkundig as die ander onderwêreldboeke van die Nuwe Ryk, soos die Amdoeat en Boek van Poorte. Dit het nie soveel prente nie, maar bevat baie meer teks.[7]
Verwysings
wysig- ↑ 1,0 1,1 Hornung (1999) p.83
- ↑ Ellison, The Book of Caverns
- ↑ Werning (2011), vol. I, ch. V.
- ↑ The theology of the Book of Caverns and the imagined topography of the underworld are currently researched by Daniel Werning in a projects at the Excellence Cluster Topoi. The Formation and Transformation of Space and Knowledge in Ancient Civilizations, Berlin (Germany).
- ↑ Hornung (1999), p.84
- ↑ Werning (2011), vol. I, pp. 5-8.
- ↑ Taylor Ray Ellison, The Book of Gates
Bronne
wysig- Hornung, Erik (1999). The Ancient Egyptian Books of the Afterlife (in Engels vertaal uit die Duits). David Lorton (vertaler). Cornell University Press. pp. 83–94.
{{cite book}}: AS1-onderhoud: onerkende taal (link) - Werning, Daniel A. (2011). Das Höhlenbuch: Textkritische Edition und Textgrammatik, I: Überlieferungsgeschichte und Textgrammatik, II: Textkritische Edition und Übersetzung. Göttinger Orientforschungen 48 (in German). Vol. 2 vols. Wiesbaden: Harrassowitz Verlag. ISBN 978-3-447-06635-8.
{{cite book}}: Onbekende parameter|trans_title=geïgnoreer (hulp)AS1-onderhoud: onerkende taal (link) - Hornung, Erik (2005). The Ancient Egyptians Books of the Underworld: the Amduat, The Book of Gates, The Book of Caverns, the Litany of Ra (in Engels vertaal uit die Duits). Irmela Stevens (vertaler). Intef Institute.
{{cite book}}: AS1-onderhoud: onerkende taal (link)
Eksterne skakels
wysig- Egypt Legends – Apophis in the Duat Geargiveer 7 Mei 2006 op Wayback Machine
- Taylor Ray Ellison, The Book of Caverns (met foto's en inligting)
- Pictures of text witnesses in the kings' tombs: Theban Mapping Project (aanlyn).
Wikimedia Commons het meer media in die kategorie Boek van Grotte.
Hierdie artikel is vertaal uit die Engelse Wikipedia
