Boemerang 11:15
Boemerang 11:15 is 'n Afrikaanse rolprent wat op 16 Junie 1972 uitgereik is. Die film is deur Kavalier Filmproduksies in Kaapstad geskiet.
| Boemerang 11:15 | |
|---|---|
| Regisseur | Ivan Hall |
| Produksieleier | Bill Venter |
| Draaiboek | Michael McCabe |
| Met | Gerhard Viviers Riana Pienaar Ben Verwey |
| Musiek deur | Con Lamprecht |
| Kinematografie | Hans Werkman |
| Redigeerder | Gerrie van Wyk |
| Ateljee | Kavalier Filmproduksies |
| Uitgereik | 16 Junie 1972 |
| Speeltyd | 85 minute |
| Land | Suid-Afrika |
| Taal | Afrikaans |
| IMDb-profiel | |
Genre
wysigDie rolprent is 'n drama en gruwelfilm (riller).
Rolverdeling
wysig- Gerhard Viviers as Ben Venter
- Riana Pienaar as Karin Venter
- Ben Verwey as Groenewald
- Wilma van der Merwe as Susan Venter
- Denise Smal as Sonja Groenewald
- Elwen Morris as bom-deskundige
- Gideon Roos as Johan van Buuren
- Johan Brewis as ontvoerder
- Barry Trengove as ontvoerder
- H.P. Hamman as ontvoerder
- Richard Strauss
- Paul Malherbe as onderwyser
- Amanda Muller as onderwyser (gekrediteer as Amanda Müller)
- Leon Kruger
- Leonie Steyn as Annette
Storielyn
wysigDie werklose Ben Venter se kulkunsies by sy dogter Karen se skool beïndruk 'n pa in die gehoor, en hy bied Venter 'n werk aan. Maar Venter is geskok wanneer hy hoor watse werk hy vir R25 000 moet doen. Hy moet twee tasse by die lughawe omruil, en die een wat hy moet aflewer, bevat 'n bom. Die terroriste se teiken is Johan van Buuren, 'n belangrike Suid-Afrikaanse diplomaat in die VVO. Venter weier, maar dan speel Groenewald sy troefkaart: Drie van sy makkers het Karen daardie oggend op pad skool toe ontvoer, en hy sal hul beveel om haar dood te maak as Ben nie aan sy eis gehoor gee nie.