Bokkie Gerber
Bokkie JJ Gerber (1953-) is 'n Afrikaanse joernalis en redakteur. Gerber het op 1 Junie 1979 as lid van die Kaapse redaksie by die Afrikaanse Sondagkoerant, die Rapport begin werk. Hy was onder meer twaalf jaar lank Rapport se sportredakteur en was die senior adjunk-redakteur tussen 2007 en 2009. In 2009 het hy die stigtersredakteur van Sport24 geword toe Die Burger, Beeld, Volksblad en Rapport se sportafdelings saamgesmelt het. In 2011 word hy as die redakteur van Rapport aangestel (as opvolger van Liza Albrecht) en dien in die posisie tot sy uittrede in Mei 2013.[1] Waldimar Pelser het die leisels by hom oorgeneem.[2]
Bokkie Gerber | |
|---|---|
| Gebore | 24 Mei 1953 |
| Nasionaliteit | Suid-Afrika |
| Beroep | Joernalis, redakteurs |
| Bekend vir | Redakteur van Rapport |
Verwysings
wysig- ↑ Bokkie Gerber groet met ‘nuwe’ Rapport[dooie skakel], Rapport, 25 Mei 2013
- ↑ Rapport kry ’n nuwe redakteur Geargiveer 7 Maart 2013 op Wayback Machine, Rapport, 2 Maart 2013
