Bokrivier

Die Bokrivier is 'n rivier aan die Kaapse Weskus wat in die heuwels by Vredenburg ontspring. Van daar loop dit weswaarts om die Vredenburgse heuwels en dan suidwaarts tot waar dit in die Blouwaterbaai-oord naby Saldanha uitmond. Die riviertjie is gewoonlik by sy monding skaars 'n meter breed, maar het op 7 Junie 2007 so geweldig afgekom dat dit 'n geskiedkundige klipbruggie in die oord weggespoel en 'n diep monding op die strand uitgekalwe het.

Bokrivier
Die Bokrivier in vloed, Junie 2007. Die Bokrivier in vloed, Junie 2007.
Oorsprong	Vredenburg (Suid-Afrika)
Monding	Suid-Afrika Atlantiese Oseaan
Stroomgebied	Suid-Afrika
Mondinghoogte	0 m

Bokrivier is ook die naam van 'n plaas tussen Touwsrivier en Ceres in die Wes-Kaap. Van 1860 tot 1990 was die plaas in die besit van die Hugo-familie. Vandag is dit deel van die groter bewaararea rondom die Aquila Lodge.