Boney M.

Boney M.
	Boney M. in 1981
Agtergrondinligting
Oorsprong	Wes-Duitsland

Boney M is 'n Eurodans- en diskogroep, wat fenomenale sukses gedurende die 1970's behaal het.

Geskiedenis

Die groep is gevorm deur die vervaardiger Frank Farian in 1975 en het bestaan uit vier Wes-indiese kunstenaars wat gewerk het in Londen, Duitsland en Nederland: sangers Marcia Barrett en Liz Mitchell, model Maizie Williams en DJ Bobby Farrell. Boney M is bekend vir die mengsel van swart en wit musiek—die produsent Farian is blank terwyl die sangers almal swart is; ten spyte hiervan is baie van die liedjies swart (vryheids-) liedjies, byvoorbeeld "No More Chain Gang" in die album Oceans of Fantasy.

Farian het eers die enkelsnit "Baby Do You Wanna Bump?" vrygestel in 1975, onder die naam Boney M. Hy het bittermin vokale bydraes homself gelewer. Die lied het 'n treffer geword en dit was daarna dat Farian besluit het om 'n span dansers en sangers te huur om die groep se "beeld" te vorm.

Die samestelling van die groep het deur 'n aansienlike klomp veranderinge gegaan, sodat slegs Maisie Williams die enigste oorspronklike lid was wat oorgebly het. Nie tevrede om saam bloot saam met een van Farian se liedjies te mimiek nie, het een van die lede, Claudja Barry, die groep op kort kennisgewing verlaat in Februarie 1976 - dae voordat die groep sou optree op 'n plaaslike televisieprogram in Saarbruecken. Liz Mitchell, op daardie stadium 'n werklose sanger en 'n voormalige lid van die Les Humphries Sangers, is ingebring as 'n tydelike plaasvervanger vir die optrede onder die aanbeveling van Marcia Barret. Farian is so in sy skik met haar vertoning gewees, dat sy voortgegaan het om Boney M se eerste LP op te neem, Take The Heat Off Me.

Farian het voorheen 'n paar liedjies saam met Marcia Barret opgeneem, die ander sanger van die groep. 'n Paar van die liedjies, "Lovin' Or Leavin'" en "Daddy Cool" is ingesluit op Take The Heat Off Me. Die kommersiële reaksie op die album was louwarm gewees. Alhoewel die groep sonder ophou disko's, klubs en selfs "country fairs" besoek het om 'n reputasie vir hulleself op te bou. Die groep se groot deurbraak het gekom teen die einde van daardie somer, toe, musiek-TV-produsent Michael 'Mike' Leckebusch van Radio Bremen, versoek het dat die groep op sy program "Musikladen" optree. Boney M het regstreeks op die musiekprogram verskyn op die 18de September 1976, na 10nm, in hulle eie kenmerkende waaghalsige uitrustings. Teen die einde van daardie volgende week het "Daddy Cool" Duitsland se no. 1 enkelsnit geword. Die album sou daarna die sukses van die enkelsnit volg.

Ten spyte van sy sukses met Boney M, het kontroversie die groep se stigter, Frank Farian, geteister, in sy latere geheime betrokkendheid met Milli Vanilli. Bobby Farrell – die manlike "gesig" van die groep – en Maisie Williams het baie min, indien enige, vokale bydraes gelewer in die musiek. Omtrent al die manlike vokale bydraes, tesame met koordele in liedjies soos "Dancing in the Streets" en "Bye Bye Bluebird", is gedoen deur Farian homself. Farrell, soos Farian uiteindelik verklaar het op Duitse televisie in 2003, is gekies vir sy persoonlikheid en innoverende dansstyl.

Sukses

"Rivers of Babylon", met die lirieke deels gebaseer op Psalm 137, het die tweede grootste enkelsnitverkoper van alle tye geword in die Verenigde Koninkryk in 1978. Na "Rivers of Babylon" afgesak het hom die lyste, is die "B-side" "Brown Girl in the Ring" ekstensiewe blootstelling en speeltyd op radio gegee en die enkelsnit het weer opgeklim op die lyste tot by no. 2. Dit het uiteindelik 500 kopieë kort van 2 miljoen verkoop.

Die groep het ook 'n tweede VK-miljoenverkoper gehad met hulle weergawe van die klassieke calypso "Mary's Boy Child" wat voorheen 'n miljoenverkoper was vir Harry Belafonte. Op 'n lys van die Topverkopende enkelsnitte in die Verenigde Koninkryk wat in 2001 uitgereik is, verskyn Boney M vyfde en tiende plek met bogenoemde enkelsnitte. Die enigste groep wat ooit twee keer in die Top 10 verskyn het; iets wat selfs die Beatles nie kon regkry nie.

Boney M, met hulle sensuele wysies en ritmes, het een van die min westerse groepe geword wat welbekend geraak het buite die VSA en Europa, insluitende Afrika, Indië, Sri Lanka en Suidoos-Asië. Tot vandag toe, tesame met ABBA, is hulle die bekendste westerse musiekgroepe in hierdie gebiede.

Diskografie

Albums

Take The Heat Off Me (1976)
Love For Sale (1977)
Nightflight To Venus (1978)
Oceans Of Fantasy (1979)
Boonoonoonoos (1981)
Christmas Album (1981)
Ten Thousand Lightyears (1984)
Kalimba De Luna (1984)
Eye Dance (1985)

Enkelsnitte

"Baby Do You Wanna Bump?"
"Daddy Cool"
"Sunny"
"Ma Baker"
"Belfast"
"Rivers Of Babylon" / "Brown Girl in the Ring" (dubbel A-kant)
"Rasputin"
"Mary's Boy Child"
"Painter Man" (oor Andy Warhol)
"Hooray Hooray It's A Holi-Holiday"
"El Lute", oor die Spaanse outlaw Eleuterio Sánchez / "Gotta Go Home" (dubbel A-kant)
"I'm Born Again"
"I See a Boat on the River" (behalwe die Verenigde Koninkryk enb Skandinawië)
"My Friend Jack" (dit was die agterkant van "I See a Boat on the River" - maar is vrygestel as die A-kant in die Verenigde Koninkryk and Skandinawië)
"Children Of Paradise"
"We Kill The World (Don't Kill The World)"

Sien ook

Topverkopende musiekkunstenaars - Die wêreld se topverkopende musiekkunstenaarslys

Eksterne skakels

Boney M - Nightflight to Venus with Boney M Geargiveer 10 Januarie 2006 op Wayback Machine
Besprekingsgroep vir Boney M aanhangers Geargiveer 16 Desember 2005 op Wayback Machine
Besprekingsgroep vir Frank Farian Geargiveer 6 Desember 2006 op Wayback Machine
Besprekingsgroep vir Liz Mitchell Geargiveer 17 Januarie 2007 op Wayback Machine