Boston Teeparty
Die Boston Teeparty was 'n betoging op 16 Desember 1773 teen die Britte se destydse belasting op tee. Amerikaanse patriotte het vragte tee van Britse skepe in die Bostonhawe gestort. Dit is een van die aksies wat aanleiding gegee het tot die Amerikaanse Rewolusionêre Oorlog.[1]
| Boston Teeparty | |||||||
|---|---|---|---|---|---|---|---|
| Deel van die Amerikaanse Rewolusie | |||||||
 Tee word in die see gestort | |||||||
| |||||||
| Strydende partye | |||||||
| Amerikaanse kolonies Boston-kolonie |
Britse regering | ||||||
| Aanvoerders | |||||||
| Samuel Adams "Sons of Liberty" |
Oos-Indiese Kompanjie Engeland | ||||||
Agtergrond
wysigDie Britse regering het belasting gehef op tee wat na Amerika uitgevoer was. Dit het veroorsaak dat Amerikaners tee uit Nederland na Amerika gesmokkel het om die belasting te omseil. In 1773 het Engeland die belasting verminder om 'n amper bankrot Britse Oos-Indiese Kompanjie te red. Die Kompanjie is ook toegelaat om tee direk na Amerika uit te voer, in stede daarvan om die tradisionele publieke vendusieprosedure te volg. Die Kompanjie het sekere Amerikaanse handelaars as agente aangestel en die tee na hulle verskeep. Dit het tot gevolg gehad dat die Engelse tee goedkoper geraak het as die gesmokkelde tee.
Daar was onmiddellik weerstand deur Amerikaanse handelaars wat beswaar gemaak het teen die monopolistiese kompetisie van die Britse Oos-Indiese Kompanjie. Politici het die saak verder na vore gebring en dit belasting sonder verteenwoordiging genoem. Daar was sterk weerstand van Charleston tot by Portsmouth en in die meeste plekke is die tee teruggestuur of nie afgelaai nie, behalwe in Boston. Goewerneur Thomas Hutchinson, wie se seuns ook teehandelaars was, het geweier om die nodige doeanedokumente uit te reik. Op die middag van 16 Desember 1773, het Amerikaanse mans, vermom as Indiane, die skepe bestyg en die tee in die hawe uitgegooi. Engeland het toe wette geproklameer om hulle beheer oor Massachusetts, en gevolglik Boston, te verstewig.[2]
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Collier's Encyclopedia, Crowell-Collier Educational Corporation, Volume 4, Bladsy 416, 1971
Eksterne skakels
wysig
Wikimedia Commons het meer media in die kategorie Boston Teeparty.
