Charleston, Suid-Carolina

Charleston is die derde grootste stad in die deelstaat Suid-Carolina. Die stad is geleë op 'n lang, dun skiereiland aan die Atlantiese Oseaan, waar die Cooper- en Ashleyrivier saamvloei. Dit is ook 'n belangrike hawe.

Charleston
Kaart	Wapen
	Vlag
Land	Verenigde State
Deelstaat	Suid-Carolina
Counties	Charleston, Berkeley
Koördinate	32°47′N 79°56′W
Stigting	1670
Oppervlakte:
- Totaal	330,2 vk km
Hoogte bo seevlak	4 m
Bevolking:
- Totaal (2013)	127 999
- Bevolkingsdigtheid	444,9/vk km
Tydsone	EST (UTC -5)
Somertyd	EDT (UTC -4)
Burgemeester	John Tecklenburg (D)
Amptelike Webwerf	charleston-sc.gov

Geskiedenis

Die eerste nedersetters, onder leiding van William Sayle, het hulle reeds in April 1670 hier gevestig. Die stad het eers bekend gestaan as Charles Town ter ere van Charles II van Engeland. Tien jaar later het Franse Hugenote hulle ook hier gevestig en binne 'n paar jaar het die nedersetting ontwikkel in voorspoedige seehandelpos. Diervelle, rys en later katoen was die vernaamste uitvoer produkte. Daar was ook handel gedryf met slawe. Teen 1775 was die stad die rykste suid van Philadelphia. Die eerste onafhanklike regering was hier gestig tydens die Amerikaanse Rewolusie in Maart 1776. Drie maande later het die Amerikaners hulle eerste oorwinning van die rewolusie hier behaal by Fort Sullivan. Die Britte het die stad egter in 1780 beset. Nadat die Britte onttrek het in 1783 was die stad herdoop tot Charleston.

Die eerste skote van die Amerikaanse Burgeroorlog is hier by Fort Sumter geskiet.

Bron

• Collier's Encyclopedia, Crowell-Collier Educational Corporation, Volume 5, Bladsy 729.