Bréguet 1150 Atlantic
Die Breguet Br.1150 Atlantic is 'n Franse maritieme verkenningsvliegtuig wat deur Breguet Aviation gebou word. In 1958 het NAVO 'n spesifikasie gepubliseer vir die vervanging van die Lockheed P2V Neptune en Breguet se ontwerp verklaar as die wen-voorstel. Om die Atlantic te produseer is 'n multinasionale konsortium Société d'Étude et de Construction de Breguet Atlantic (SECBAT) gestig. Gedurende 1963 is 'n bestelling vir 60 Atlantics ontvang, 40 van Frankryk en 20 van Duitsland. Opvolgbestellings vir uitvoer is daarna van kliënte ontvang. Die vliegtuig is in 1965 indiens gestel.
| Br.1150 Atlantic Atlantique 2 | |
|---|---|
 | |
| Tipe | Maritieme verkenningsvliegtuig |
| Vervaardiger | Breguet Aviation |
| Nooiensvlug | 21 Oktober 1961 |
| Bekendstelling | 1965 |
| Status | In diens |
| Hoofgebruikers | Franse Vloot Duitse Vloot Italiaanse Lugmag Koninklike Nederlandse Vloot |
| Vervaardig | 1961–1987 |
| Aantal gebou | 87 Atlantique 1 28 Atlantique 2 |
| Eenheidskoste | >$35 Miljoen[1] |
Die Atlantic is deur verskeie lande gebruik, meestal in die ontwerpte rol vir maritieme verkenning asook teenduikboot-oorlogvoering. Dit kan ook lug-tot-grond wapens dra om grondaanvalle te doen. 'n Paar is ook toegerus om 'n elektroniese seinintelligensierol te vertolk. Dassault Aviation het 'n Atlantique 2-variant in die 1980's gebou en 'n verdere ontwikkeling Atlantique 3 was voorgestel in die 1990's maar nooit gebou nie. Ander gebruikers van die Atlantique is die Duitse Vloot, Italiaanse Lugmag, Pakistanse Vloot en die Koninklike Nederlandse Vloot.
Die vliegtuig was oorspronklik aangedryf deur Rolls-Royce Tyne turboskroefmotore en die opgradering is toegerus met Allison AE2100H motore.
Verwysings
wysig- ↑ "Shahadat by the Naval Aircrew". Defence Journal of Pakistan. Geargiveer vanaf die oorspronklike op 14 Oktober 2006. met verwysing na die afskiet van 'n vliegtuig in die Atlantique insident in Pakistan
Eksterne skakels
wysig
Wikimedia Commons het meer media in die kategorie Bréguet 1150 Atlantic.
 | Hierdie lugvaartartikel is 'n saadjie. U kan die Afrikaanse Wikipedia help deur dit uit te brei. |