Broadway-toring
Broadway-toring is 'n siergebou of folly (in Engels letterlik "gekheid" of "dwaasheid") geleë op Broadway-heuwel, langs die A44-pad tussen Evesham en Moreton-in-Marsh, net meer as 1,6 km suidoos van die dorpie Broadway, in Worcestershire, Engeland,[1] op die tweede hoogste punt in die Cotswolds.[2] Die toring se basis is 312 meter bo seespieël en die toring self is 17 meter hoog. Op 'n mooiweersdag kan dertien graafskappe van Engeland van die bokant van die toring gesien word. Die uitsig sluit in die Severn-Vallei tot by die Walliese berge. Vandag is dit 'n toeriste aantrekking met verskeie tentoonstellings wat oop is vir die publiek.[1]
Die "Saksiese" toring is deur James Wyatt in 1794 ontwerp[3] om soos 'n skynkasteel te lyk, en is gebou vir Lady Coventry in 1797. Die toring is op 'n "baken"-heuwel, waar bakens op spesiale geleenthede aangesteek is, gebou. Lady Coventry het gewonder of 'n baken op die heuwel van haar huis in Worcester (~35,4 km ver) gesien sou kon word en het die bou van die toring geborg om die antwoord te bepaal. Die baken kon duidelik gesien word.
Oor die jare het die toring as drukpers vir Sir Thomas Phillipps gedien en as landelike toevlugsoord vir kunstenaars insluitend William Morris.
Die toring is geleë op die Cotswold Way.
Verwysings
wysig- ↑ 1,0 1,1 "Broadway Tower Country Park". Geargiveer vanaf die oorspronklike op 12 Januarie 2008. Besoek op 3 Februarie 2008.
- ↑ Bepaal van http://www.broadwaytower.co.uk/
- ↑ Gedateer opgrond van tekeninge in die eiendomkantoor by Croome Court, opgeskryf deur Howard Colvin, A Biographical Dictionary of British Architects 1600-1840, 3rd ed. (Yale University Press) 1995.
Eksterne Skakels
wysig| Wikimedia Commons bevat media in verband met Broadway Tower. |