Buitelandse betrekkinge van Andorra

Sedert die totstandkoming van soewereiniteit met die bekragtiging van die grondwet in 1993, het Andorra voort beweeg om 'n aktiewe deelnemer van die internasionale gemeenskap te word. In Julie 1993 vestig Andorra sy eerste diplomatieke missie in die wêreld na die Verenigde Nasies. Vroeg in 1995 stel die Verenigde State en Andorra formele diplomatieke bande in. Andorra brei ook verhoudings uit met ander nasies.

Andorra onderhou ses ambassades buite sy grense: in Oostenryk, België, Frankryk, Spanje, Portugal en die Verenigde State (in New York).^[1] Die prinsdom se permanente missie na die Verenigde Nasies in New York dien ook as hulle ambassade na die Verenigde State, Kanada en Meksiko.

Frankryk, Spanje en Portugal het ambassades in Andorra. Switserland het 'n konsulaat-generaal in Andorra.^[2]

Buitelandse sake word na omgesien deur die Ministerie van Buitelandse sake (Katalaans: Ministeri d'Afers Exteriors).

Lidmaatskappe

Andorra is 'n volle lid van die Verenigde Nasies (VN), Verenigde Nasies se Opvoedkundige, Wetenskaplike en Kulturele Organisasie (UNESCO), Verenigde Nasies se Konferensie insake Handel en Ontwikkeling (UNCTAD), Internasionale Strafhof (ISH), Internasionale Sentrum vir die Studie van die Bewaring en Restourasie van Kulturele eiendom (ICCROM), Internasionale Telekommunikasie Unie (ITU), Internasionale Rooi Kruis, Universele Kopiereg Konvensie, Raad van Europa, EUTELSAT, Wêreld Toerisme Organisasie, Organisasie vir Veiligheid en Samewerking in Europa (OVSE), Wêreld Doeane Organisasie (CCC), en Interpol. Sedert 1991 het Andorra 'n spesiale ooreenkoms met die Europese Unie.

Dispute – Internasionaal: Geen

Betrekkinge met die Republiek van Kosovo

Op 8 Junie 2011 word Andorra die 97ste lidstaat van die Verenigde Nasies om die onafhanklikheid van die Republiek van Kosovo te erken.^[a] Die Kosovaarse Minister van Buitelandse Sake bevestig daarna dat die twee lande binnekort diplomatieke bande sal smee. Voor dit, in 2008, was Andorra huiwerig om die Republiek van Kosovo se onafhanklikheid te erken as gevolg van 'n moontlike presedent in die streek en as gevolg van druk vanaf Spanje. Andorra en Kosovo vestig diplomatieke bande op 14 September 2011.^[3]

Betrekkinge met die Verenigde State

Die Verenigde State vestig diplomatieke bande met Andorra op 21 Februarie 1995. Die twee lande het 'n uitstekende verhouding. Die Amerikaanse ambassadeur tot Spanje is ook geakkrediteer as ambassadeur tot Andorra. Amerikaanse Konsulaat-Generaal-beamptes in Barcelona gestasioneer, is verantwoordelik vir die dag-tot-dag uitvoer van betrekkinge met Andorra. Die destydse Permanente Afgevaardigde van Andorra tot die Verenigde Nasies, Carles Font-Rossell, is geakkrediteer as Andorra se eerste ambassadeur tot die Verenigde State vanaf 14 Maart 2008.^[4] Die huidige ambassadeur wat sedert 2 November 2009 diens doen, is Narcís Casal de Fonsdeviela.^[4]

Betrekkinge met die Europese Unie

Andorra het deel in die doeane-unie van die Europese Unie (EU) sedert 1991 hoewel dit landbouprodukte uitsluit. Andorra hou sy grensbeheer buite Schengen, alhoewel inwoners met 'n Schengen-visa gewoonlik ingelaat word. Andorra is die enigste dwergstaat wat die euro gebruik sonder 'n amptelike ooreenkoms, hoewel die land in samesprekings verkeer met die EU oor 'n ooreenkoms om hul eie munte te munt.

Bilaterale betrekkinge oorsig

Oorsig van lande met wie Andorra diplomatieke betrekkinge handhaaf

Verwysings

Notas

a.

^ Kosovo is the subject of a territorial dispute between the Republic of Serbia and the self-proclaimed Republic of Kosovo. The latter declared independence on 17 February 2008, but Serbia continues to claim it as part of its own sovereign territory. Kosovo's independence has been recognised by 99 out of 193 United Nations member states.

Verwysings

↑ "Adresses of the Andorran diplomatic missions" (in Katalaans). Government of Andorra – Ministry of Foreign Affairs. Geargiveer vanaf die oorspronklike op 10 Maart 2016. Besoek op 19 April 2011.
↑ Oorsese ambassades en konsulate van Switserland Geargiveer 7 Mei 2010 op Wayback Machine, Buitelandse ambassades.
↑ "Kosova and Andorra establish diplomatic relations" (in Albanees). MFA of Kosovo. 14 September 2011. Geargiveer vanaf die oorspronklike op 18 Augustus 2017. Besoek op 14 September 2011.
↑ ^4,0 ^4,1 Andorra Ambassadeur Geargiveer 20 November 2008 op Wayback Machine Washington Diplomaat, verkry 2008-09-18

Andorra se inskrywing in The World Factbook
Hierdie artikel inkorporeer agtergrondnotas vanaf webwerwe of dokumentasie van die Verenigde State van Amerika se Staatsdepartement.

Eksterne skakels

(ca) /(es) /(fr) /(en) Ministerie van Buitelandse Sake
(ca) /(es) /(en) /(fr) Andorrese Ambassade in Brussels, België
(ca) /(fr) Andorrese Ambassade in Parys, Frankryk
(fr) Ambassade van Frankryk in Andorra La Vella Geargiveer 27 Julie 2015 op Wayback Machine
(ca) /(es) /(en) Amerikaanse Konsulaat-Generaal in Barcelona, Spanje (Dien ook as Amerikaanse ambassade tot Andorra) Geargiveer 3 Januarie 2011 op Wayback Machine
(en) Permanente Missie na die Verenigde State Geargiveer 9 Januarie 2008 op Wayback Machine
(en) Geskiedenis van Andorra – Amerikaanse betrekkinge

Hierdie artikel is in sy geheel of gedeeltelik vanuit die Engelse Wikipedia vertaal.

[1] "Adresses of the Andorran diplomatic missions" (in Katalaans). Government of Andorra – Ministry of Foreign Affairs. Geargiveer vanaf die oorspronklike op 10 Maart 2016. Besoek op 19 April 2011.

[2] Oorsese ambassades en konsulate van Switserland Geargiveer 7 Mei 2010 op Wayback Machine, Buitelandse ambassades.

[3] "Kosova and Andorra establish diplomatic relations" (in Albanees). MFA of Kosovo. 14 September 2011. Geargiveer vanaf die oorspronklike op 18 Augustus 2017. Besoek op 14 September 2011.

[washdipl-4] 4,0 ^4,1 Andorra Ambassadeur Geargiveer 20 November 2008 op Wayback Machine Washington Diplomaat, verkry 2008-09-18

[1]

[2]

[a]

[3]

[4]