Cannabis in Suid-Afrika

Cannabis is in Suid-Afrika deur daardie land se Konstitusionele Hof gedekriminaliseer vir privaatgebruik deur volwassenes.[1] Wette wat gebruik buite die privaat woning verbied, bly egter steeds van toepassing.[2] Aangesien regulasies teen die aankoop van produkte wat cannabis bevat steeds van krag is, bly dit onduidelik hoe die uitspraak afgedwing kan word.

Kaapstadse dagga-optog, 2017

Voordat die verbod op die plant in 2018 opgehef is, het advokate die regering onder druk geplaas om sy wette (wat cannabis in 1922 beperk het) te wysig om vrystellings vir mediese gebruike, godsdienstige praktyke en ander doeleindes toe te laat.

Dagga is die Afrikaanse term wat gereeld gebruik word om na cannabis te verwys; dit is afkomstig van die Khoikhoi-woord dacha, wat deur die vroeë Europese koloniale setlaars in die Kaapkolonie gebruik is. [3]

Daar word gemeen dat Afrika deur vroeë Arabiese of Indiese handelaars aan cannabis blootgestel is.[3] Cannabisgebruik was reeds populêr onder die inheemse Khoisan- en Bantoe-bevolkings vóórdat Europese settlaars die Kaap in 1652 binnegekom het, en is tradisioneel deur die Basoeto's gebruik om geboorte te vergemaklik. Volgens die skrywer Hazel Crampton bestaan daar ou Afrikanerresepte vir tee en kos wat díe plant gebruik. Die gebruik van die plant hou verband met tradisionele Afrika-bevolkings en 'n laer ekonomiese status.

Longitudinale navorsingstudies deur die Mediese Navorsingsraad (MRC) berig dat die aantal cannabisgebruikers in Suid-Afrika in 2004 2,2 miljoen was en 3,2 miljoen in 2008. In 2003 beoordeel Interpol Suid-Afrika as die vierde grootste produsent van cannabis ter wêreld, en die Instituut vir Veiligheidstudies het berig dat die meeste cannabis wat in die Verenigde Koninkryk en die derde wêreld op beslag gelê is, van Suid-Afrikaanse oorsprong is.

VerwysingsWysig

  1. Lindeque, Mia. "ConCourt upholds ruling that private use of dagga is legal". ewn.co.za (in Engels). Geargiveer vanaf die oorspronklike op 30 Junie 2019. Besoek op 2 November 2019.
  2. Nel, Mary. "South Africa's legalization of marijuana use is a big win for privacy". Quartz Africa (in Engels). Geargiveer vanaf die oorspronklike op 26 April 2020. Besoek op 2 November 2019.
  3. 3,0 3,1 Watt, John Mitchell (1 Januarie 1961). "UNODC - Bulletin on Narcotics - 1961 Issue 3 - 002". United Nations Office on Drugs and Crime (in Engels). Geargiveer vanaf die oorspronklike op 8 November 2019. Besoek op 2 Mei 2017.