Dagga (ook bekend as Cannabis of Marijuana) is 'n geharde struikagtige plant wat byna oral kan groei. Dit kom voor in streke met 'n warm, vogtige klimaat, soos die Transkei en KwaZulu-Natal. Dagga sluit 3 spesies in: Cannabis sativa, Cannabis indica en Cannabis ruderalis. Hierdie 3 daggaspesies is inheems aan Sentraal-Asië en Suid-Asië. Dagga is vir dekades gebruik vir vesel, saad, saadolie, rekreasie en ook vir medisinale doeleindes.

Dagga
'n Gedroogde blomknop van die Cannabis sativa plant
Wetenskaplike klassifikasie
Koninkryk: Plantae
Divisie: Magnoliophyta
Klas: Magnoliopsida
Orde: Urticales
Familie: Cannabaceae
Genus: Cannabis
Spesie: C. sativa
Binomiale naam
Cannabis sativa
Linnaeus
Subspesie

C. sativa L. subsp. sativa
C. sativa L. subsp. indica

Daggablare
'n Daggaplant wat blom.
Sebse in Marokko
Sewe ton se gekonfiskeerde dagga.
Wêreldwye wette op die besit van klein hoeveelhede dagga: ██ Wetlik of essensiël wetlik ██ Onwettig maar gedekriminaliseer ██ Onwettig maar dikwels nie vervolg nie ██ Onwettig ██ Geen inligting beskikbaar nie
Wêreldwye regstatus van dagga vir mediese doeleindes: ██ Wetlik of essensiël wetlik ██ Onwettig maar gedekriminaliseer ██ Onwettig maar dikwels nie vervolg nie ██ Onwettig ██ Geen inligting beskikbaar nie

Inhoud

BeskrywingWysig

Dagga is 'n een-jarige blomdraende kruid en kan manlik of vroulik wees, maar kan ook manlike en vroulike blare dra. Die plant vorm 'n bos en die grootte kan wissel na gelang van temperatuur, reënval, samestelling van die grond en weens die plant se gene. Die blare van die daggaplant kan groen en bruin van kleur wees en is gewoonlik in die vorm van 'n hand. Die blare is gewoonlik ongelyk in getal, vyf, nege, elf en is gewoonlik digby die stam van die plant. Dagga groei maklik in swak toestande en word gewoonlik tussen ander gewasse in klowe van berge geplant. Bestuiwing vind plaas deur wind. Dagga lyk soos tabak wat jy koop in die winkel. Dagga kos omtrent R2,00 per sigaret of skyf. Dagga is die dwelm wat in Suid-Afrika mees algemeen gebruik word.

Samestelling van daggaWysig

Die daggaplant bevat 61 cannabinole en dagga het meer as 400 chemikalieë. Dagga bevat ook 7 keer meer teer as sigarette. Die aktiewe bestanddeel, Delta-9-Tetrahidrocannabinol (THC) tas die mens se psige aan en lei tot gedragsprobleme. THC is kompleks en word stadig deur die liggaam opgeneem. Dit neem omtrent 30 dae vir die liggaam om ontslae te raak van een dagga sigaret se chemikalieë. Dit kan selfs tot 6 maande neem vir sekere dele van die liggaam om dit te verwerk. Dagga word wydverspreid in Suid-Afrika gebruik en kan lei tot gedragsveranderinge via die brein. Dagga word ook sosiaal aanvaar in sekere gemeenskappe en misbruik daarvan word onder alle bevolkingsgroepe en klasse aangetref. Dagga is tans onwettig en die besit daarvan kan lei tot 'n kriminele rekord.

StraatnameWysig

Van die straatname vir dagga sluit in:

  • Marijuana
  • Zol
  • Skyf
  • Peperskyf
  • Joint
  • Weed
  • Grass
  • Shit
  • Pot
  • Boom
  • Ghanja
  • Dope
  • Hash
  • Smoke
  • Hemp
  • Green Gold
  • Malawi Gold
  • Mabange
  • Majat
  • Lebake
  • Durban poison
  • Poison

Redes vir gebruikWysig

Meeste jong tieners begin dagga gebruik omdat hul vriende, broers of susters dit gebruik en hulle deur groepsdruk geforseer word om dit ook te doen. Ander dink dit is "cool" om dagga te gebruik omdat hulle dit op TV of in films sien. Sommige tieners dink hulle het dit nodig omdat dit hulle help ontvlug van probleme by die huis, skool of met vriende.

Dagga het ook medisinale waarde, soos om pyn ná operasies te verlig. Die Sjinese het al 5 000 jaar gelede dagga in kruiemedisyne gebruik. Dit moet egter onder die regte omstandighede en onder streng toesig toegedien word.[1]

Verkope van daggaWysig

Dagga word in die volgende vorms verkoop:

  • Los dagga
  • 'n Stop dagga
  • 'n Vinger dagga
  • 'n Pakkie (Parcel) dagga
  • 'n Arm dagga (koerant met dagga in)
  • 'n Vuurhoutjiedosie dagga
  • 'n Banksakkie vol dagga (bankies)
  • 'n Streepsak vol dagga

Dagga verkoop teen ongeveer R1,00 per gram en die pryse wissel vanaf R1,00 vir 'n stop tot R2000,00 vir 'n streepsak van 20 kg. Dagga word gewoonlik gerook, as daggakoekies geëet of as tee gedrink.

'n Algemene gebruik in Suid-Afrika is om dit deur 'n bottelnek te rook. Die nek van ’n bottel word afgeslaan en ’n filter, bekend as ’n "diamond", word van opgerolde papier gemaak. Die filter word dan in die mond van die bottelnek geplaas met die dagga bo-op. Persone wat dagga deur ’n bottelnek rook se hande word gewoonlik geelbruin gevlek. Dagga kan ook in ’n sigaretvorm gerook word.

Dagga brand vanself baie moeilik. Daarom word dit gewoonlik met sigarettabak gemeng. Die proses staan bekend as "sout".

Effekte van daggaWysig

Die dwelm neem slegs 'n paar minute om 'n uitwerking op die persoon te begin hê. Dagga lei tot 'n gematigde euforie wat tot 15 minute kan duur. Dit kan ook tot hallusinasies, verskerpte persepsies (nie altyd realisties nie), korttermyn geheueverlies, giggel, moontlike angstigheid en soms vervolgingswaan lei.

Fisiese effekte sluit in dors, eetlus, verhoging in hart- en polsslag, droë mond en rooi oë. Dagga kan lei to aggressiwiteit wanneer dit saam met alkohol gebruik word.

THC word in die vetweefsel van die liggaam geberg en stadig vrygestel vir tot 'n week na inname. Die meeste vetselle in die liggaam kom in die brein en geslagskliere voor. Dagga van een "slowboat" kan tot 3 weke na gebruik nog in die liggaam opgespoor word. Oormatige gebruik kan lei tot longkanker, vertraagde seksuele ontwikkeling in mans, geheueverlies en gebrek aan konsentrasie.

Simptome van oormatige gebruikWysig

Groot hoeveelhede dagga moet oor 'n lang tydperk gebruik word voordat die simptome sal wys soos in die geval met heroïne en kokaïene. Gebruikers trek die rook dieper in die longe in en hou dit daar vir langer.

Die uitwerking van die dagga kan dramaties wees vir mense wat ly aan psigiatriese siektes en hulle moet eerder wegbly van dagga.

Die simptome van langtermyn gebruik van dagga sluit in:

  • Glaserige rooi oë
  • Onaanvaarbare sosiale gedrag soos hard praat en onvanpaste lag-uitbarstings
  • Slaperigheid op onvanpaste tye
  • Gebrek aan belangstelling in dinge wat voorheen belangstelling geprikkel het
  • Gebrek aan motivering
  • Verlies of aansit van gewig
  • Long en respiratoriese probleme met rookinname
  • Konsentrasieprobleme
  • Geheueverlies
  • Onvermoë om nuwe dinge aan te leer

Gevolge van dagga-gebruikWysig

Van die gevolge van dagga-gebruik sluit in:

  • Onvermoë om afstand en tyd te skat
  • Oormatige aggressie in kombinasie met alkohol
  • Ernstige skade aan die asemhalingstelsel
  • Skade aan longe
  • Longkanker
  • Keelkanker
  • Versteuring van die vroulike hormone
  • 40% hoër kans by tieners om breinskade op te doen
  • Tieners wat dagga gebruik dink 3 keer meer aan selfmoord as ander tieners
  • Onvrugbaarheid
  • Versteuring van die liggaam se immuunstelsel
  • Afname in die seksdrang
  • Verlaagde of verhoogde eetlus
  • Skade aan die ongebore baba indien ’n swanger vrou dit rook

Wetlike aspekteWysig

Dagga mag nie verkoop, aangekoop, vervoer, verbou, versend, verskaf of verskuif word nie.

Indien 'n persoon met dagga handel dryf, kan die hof so 'n persoon 'n swaar boete of gevangenisstraf van tot 10 jaar oplê.

Die Wes-Kaapse hooggeregshof het op 31 Maart 2017 beslis dat volwassenes in die privaatheid van hulle eie huis dagga mag besit, kultiveer en gebruik. Die hof het ook beslis dat die parlement 24 maande het om wetgewing te verander.[2]

RehabilitasieWysig

Die onttrekkingsimptome van dagga is nie soos dié van persone wat heroïen of ander dwelms gebruik nie.

Dagga veroorsaak 'n psigologiese afhanklikheid en nie fisiologies nie.

Swaar daggarokers ondervind 'n gemiddelde toename in irritasie en aggressiwiteit sodra hulle skielik ophou om dagga te gebruik.

Ligte gebruikers van dagga ondervind min onttrekkingsimptome.

HulpWysig

Verslaafdes kan by die volgende organisasies om hulp aanklop:

  • Narkotikaburo
  • Drugwise-sentrum
  • SANRA-kantoor
  • Alkoholiste anoniem
  • Maatskaplike dienste
  • Munisipale gesondheidskliniek
  • Heilsleër
  • Apteker

VerwysingsWysig

Eksterne bronneWysig