Carl Petterson
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Carl Petterson (Sollentuna, Stockholm, Oktober 1875 - Sydney, 12 Mei 1937) was 'n Sweedse seeman en avonturier. Hy tree in diens van 'n maatskappy wat kopra verhandel in die Bismarckargipel in die destydse Duits Nieu-Guinee. In 1904 ly hy skipbreuk en spoel aan op Tabar, 'n klein eiland wat effe ten noorde van Nieu-Ierland lê, by die dorpie Teripax.
Hoewel die bevolking kannibalisties was, kom hy goed met hulle oor die weg. Hy bly daar, trou met Singdo, die dogter van hoofman Lamy, en kry agt kinders met haar. Toe Lamy sterf, volg Petterson hom op. Hy was 'n kragfiguur en slaag daarin om onderlinge twiste te beëindig. Vanuit Tabar begin hy in kopra te verhandel. Hy behandel die inheemse arbeidsmag goed en respekteer hul gewoontes, wat 'n uitsondering was in die begin van die twintigste eeu.
In 1921 sterf sy vrou. Pettersson keer terug na Swede om 'n nuwe moeder vir sy kinders te soek. In 1923 trou hy met die Engels-Sweedse Jessie Louisa Simpson op Tabar. Sy koprabedryf het in sy afwesigheid vervalle geraak, maar deur 'n goudvonds word hy 'n ryk man. Nietemin verlaat die Petterssons Tabar. Jessie Simpson gaan in die jare dertig na Swede vir 'n behandeling teen kanker, maar sterf daar in 1935. Haar man vergesel haar nie, trouens, hy keer nie weer na Swede terug nie en sterf aan 'n hartaanval in Australië.
Oor Petterson en sy belewenisse doen in Sweedse koerante sterke verhale die ronde, wat Astrid Lindgren geïnspireer het tot die skepping van die vader van Pippi Langkous, Efraïm Langkous.
Literatuur
wysig- Joakim Langder & Hélena Regius: Pippi und der König. Auf den Spuren von Efraim Langstrumpf. List Verlag, 2002
| Wikimedia Commons bevat media in verband met Carl Petterson. |