Chambeshirivier
Die Chambeshirivier (ook soms Chambezirivier) in die noordooste van Zambië word beskou as die verste boloop van die Kongorivier.
| Chambeshirivier | |
|---|---|
 | |
 Die stroomgebied van die Chambeshirivier (in rooi). | |
| Oorsprong | Sowat 50 km suidoos van die Tanganjikameer (Zambië) |
| Monding | Luapularivier, Zambië Luapularivier |
| Stroomgebied | Zambië |
| Lengte | 500 km |
| Oorspronghoogte | 1 600 m |
| Mondinghoogte | 1 164 m |
| Stroomgebiedopp. | 44 427 km² |
 Kaart van die Chambeshirivier-bekken in Afrika.
| |
Die rivier ontspring in die berge van die baie afgeleë grensgebied tussen Zambië en Tanzanië, naby die Tanganjikameer, op 'n hoogte van 1760 m bo seevlak en net suidwes van Mbala. Aanvanklik loop die rivier opvallend direk suidoos, maak dan 'n skielike draai van 90° en loop dan suidwes. In hierdie draai sluit die Kalungurivier by die Chambeshi aan. Wes van Chinsali loop die Chambeshi deur moerasse, waarna die Lukulurivier (met sy Chisimbe-waterval net wes van Kasama) van noord af aansluit. Na 480 km van sy oorsprong loop die Chambeshi deur moerasse aan die suidoostekant van die Bangweulu- en die Kampolompomeer en word die vloeispoed van die water aansienlik vertraag. Aan die suidekant van die mere ontspring die Luapularivier wat die water noordwaarts neem. Eintlik is die Luapula bloot 'n voortsetting van die Chambeshi.
Hierdie riviere oos van die Bangweulumeer word algemeen aanvaar as die bolope van die Kongo en word die Chambeshi dus as die bron van die Kongo beskou. Via die Kalungu en sy sytak die Chozi ontvang die Kongo sy mees oostelike water. Opvallend is dat die oorsprong van die Kongo en die Nyl nie so ver van mekaar geleë is nie.
Bibliografie
wysig- allafricafacts.com