Chevrolet Impala
Die Chevrolet Impala is 'n volgrootte motor (boonste mediumgrootte 2000-2007) wat gebou word deur die Chevrolet-afdeling van General Motors in modeljare 1958-1985, 1994-1996 en 2000 tot op hede. Die naam is afgelei van die Suid-Afrikaanse wildsbok en het Chevrolet se duurste passasiersmodel geword teen 1965. Dit is een van die besverkopermotors in die Verenigde State van Amerika, wat meeding teen die Ford Galaxie 500 en die Plymouth Fury, waar volgrootte modelle die mark oorheers.
 2006 Impala SS | |
| Oorsig | |
|---|---|
| Vervaardiger | Chevrolet (General Motors) |
| Produksie | 1957–1985[1] Februarie 1994[2]–Desember 1996< 1999–huidig |
| Modeljare | 1958–1985 1994–1996 2000–huidig |
| Bakwerk en onderstel | |
| Klas | Volgrootte (1958–1996, 2008-huidig) Mediumgrootte (2000-2007) |
| Plek in geskiedenis | |
| Voorganger | Chevrolet Lumina |
Die Impala is lank gekenmerk deur sy simmetriese driedubbele agterligte. Die Caprice is as 'n toplyn Impala Sportsedan vir die 1965 modeljaar vrygestel, en as 'n aparte reeks bo die Impala geposisioneer in 1966, wat op sy beurt bo die Bel Air en Biscayne gebly het. Die Impala het bly voortbestaan as Chevrolet se gewildste volgrootte model in die middel-1980s. Tussen 1994 en 1996 het Impala herleef as 'n gespierde 5.7 liter-V8-aangedrewe weergawe van die Caprice Classic sedan.
In 2000 is die Impala weer vrygestel as 'n hoofstroom voorwieldryfsedan.[3] Teen Februarie 2014 word die Impala nommer een onder bekostigbare groot motors in die US News & World Report se ranglys.[4] Teen 2015 word die Impala in die Verenigde State, Kanada, Meksiko en die Midde-Ooste verkoop.
Ed Cole, Chevrolet se hoofingenieur in die laat 1950's, definieer die Impala as 'n "prestigemotor binne die bereik van die gemiddelde Amerikaanse burger."
Verwysings
wysig- ↑ "History of the Chevrolet Impala 1958-2011" (in Engels). Chevy Impala Forum. Geargiveer vanaf die oorspronklike op 9 Oktober 2019. Besoek op 11 Julie 2012.
- ↑ "1994 Impala SS". Motor Trend. Junie 1994. Besoek op 26 Junie 2010.
- ↑ The editors of Consumer Guide
- ↑ "Best Affordable Large Cars Rankings – U.S. News Best Cars".
| Hierdie artikel is in sy geheel of gedeeltelik vanuit die Engelse Wikipedia vertaal. |
