Chris Burger
Christiaan Petrus Bernard Burger (6 Maart 1952 - 31 Augustus 1980) was 'n Suid-Afrikaanse rugbyspeler. Hy het van 1975 tot 1980 as heelagter vir die Westelike Provinsie gespeel. Hy sterf op 31 Augustus 1980, op 28-jarige ouderdom, nadat hy sy nek die vorige dag tydens 'n Curriebeker-wedstryd teen die Vrystaat gebreek het.
| |||||
| Volle naam | Christiaan Petrus Bernard Burger | ||||
|---|---|---|---|---|---|
| Geboortedatum | 6 Maart 1952 | ||||
| Sterftedatum | 31 Augustus 1980 (op 28) | ||||
| Sterfteplek | Bloemfontein | ||||
| Kinders | Esmarie | ||||
| Rugbyloopbaan | |||||
| Loopbaan as speler | |||||
| Posisie(s) | Heelagter | ||||
| Amateurspanne | |||||
| Jare | Klub / span | Weds | (pte) | ||
| Villagers | |||||
| Provinsiale- / Staatspanne | |||||
| Jare | Klub / span | Weds | (pte) | ||
| 1975-1980 | Westelike Provinsie | ||||
Ná die voorval het Morné du Plessis, die spankaptein, saam met sy spanmaats, die Chris Burger-fonds gestig om sy familie by te staan. Sy dogtertjie, Esmarie, was ten tye van die voorval 18 maande oud.
'n Paar jaar later sterf die rugbyspeler, Petro Jackson (1964-1998), in soortgelyke omstandighede in Stellenbosch, waarna die Petro Jackson-spelersfonds gestig is. Die twee fondse is op 23 September 1992 saamgesmelt in die Chris Burger-Petro Jackson-spelersfonds, soos dit vandag bekend staan. Die fonds het al talle rugbyspelers wat ernstig beseer is, finansieel ondersteun. Die fonds poog ook om die risiko met betrekking tot ernstige beserings in rugby te verminder.[1]
Verwysings
wysig- ↑ Gestremdes ondersteun die Cheetahs uit die Chris Burger-losie[dooie skakel], Volksblad, 24 Julie 2000