Chris Christie
Christopher James Christie (gebore op 6 September 1962) is 'n Amerikaanse prokureur, politikus en federale aanklaer. Hy het tussen Januarie 2010 en Januarie 2018 as die 55ste goewerneur van New Jersey gedien. Hy was ook die Amerikaanse prokureur vir New Jersey van 2002 tot 2008. Christie is 'n lid van die Republikeinse Party en is tans 'n kandidaat vir die party se nominasie vir die 2024 presidensiële verkiesing.
| Chris Christie | |
 Christie in 2022 | |
Goewerneur van New Jersey
| |
| Ampstermyn 19 Januarie 2010 – 16 Januarie 2018 | |
| Vise | Kim Guadagno |
|---|---|
| Voorafgegaan deur | Jon Corzine |
| Opgevolg deur | Phil Murphy |
Persoonlike besonderhede
| |
| Gebore | Christopher James Christie 6 September 1962 Newark, New Jersey, Verenigde State van Amerika |
| Nasionaliteit |  Verenigde State
|
| Politieke party | Republikein |
| Eggenoot/-note | Mary Pat Foster |
| Kind(ers) | 4 |
| Alma mater | Universiteit van Delaware Seton Hall Universiteit |
| Handtekening | 
|
| Webtuiste | chrischristie |
Christie is in Newark, New Jersey gebore en het in Livingston buite Newark grootgeword. Hy het sy BA-graad aan die Universiteit van Delaware verwerf voordat hy sy regsgraad by die Seton Hall Universiteit Skool vir Regsgeleerdheid voltooi het. Hy het tussen 1995 en 1998 as 'n raadslid van Morris County, New Jersey gedien. In 2002 het Amerikaanse president George W. Bush vir hom as die Amerikaanse prokureur vir New Jersey aangewys; hy het vir ses jaar die amp beklee.
Christie was die Republikeinse kandidaat vir goewerneur van New Jersey in die 2009-verkiesing waar hy vir die sittende Demokraat-goewerneur Jon Corzine verslaan het. Hy is daarna in Januarie 2010 as goewerneur ingehuldig. Hy het 'n tweede termyn as goewerneur in die 2013-verkiesing gewen. Op 30 Junie 2015 kondig Christie sy kandidatuur vir die Republikeinse nominasie vir die 2016 presidentsverkiesing aan. Ses maande daarna het hy sy presidensiële veldtog opgeskort na 'n swak vertoning in die New Hampshire voorverkiesing en sy ondersteuning vir Donald Trump aangekondig wat die nominasie ontvang het en daarna die presidentsverkiesing gewen het.[1]
Na Trump se inhuldiging as president in Januarie 2017, het hy vir Christie as sy dwelmtsaar aangewys. Christie se termyn as goewerneur het in Januarie 2018 verval. Christie was 'n bondgenoot van Trump tydens sy presidentskap maar hul verhouding het versuur nadat Trump geweier het om te aanvaar dat hy die 2020-verkiesing verloor het en sy pogings om die verkiesing se uitslae omver te werp. Christie het sy veldtog vir die Republikeinse nominasie vir die 2024-presidentsverkiesing in Junie 2023 van stapel gestuur.
Verwysings wysig
- ↑ Kruse, Michael; Pechenkina, Ekaterina (6 Junie 2023). 55 Things You Need to Know About Chris Christie (Engels). Politico. URL besoek op 22 Augustus 2023.
Eksterne skakels wysig
Wikimedia Commons het meer media in die kategorie Chris Christie.
| Hierdie artikel is in sy geheel of gedeeltelik vanuit die Engelse Wikipedia vertaal. |
