Maak hoofkeuseskerm oop

Christiaan Botha

Christiaan Botha (6 Oktober, 186429 Oktober 1902)[1] is 'n jonger broer van Louis Botha en was ook 'n generaal tydens die Tweede Vryheidsoorlog. Hy is gebore te Greytown, KwaZulu-Natal. Sy ouers is Louis en Salomina Botha. Hulle was van die eerste inwoners van die Nuwe republiek van Vryheid. Toe dié republiek by die ZAR ingelyf word, word hulle outomaties burgers.

Christiaan Botha
Gebore 6 Oktober, 1864
Greytown, KwaZulu-Natal
Oorlede 29 Oktober 1902
Kokstad
Ouers Louis Botha en Salomina Adriana van Rooyen
Bekend vir Boeregeneraal

Botha het die bevelvoerder geword van die polisie van Swaziland in 1898. Nadat die Tweede Vryheidsoorlog uitgebreek het, is hy na die Natalse front. Hy neem aan verskeie veldslae deel; ook die Slag van Colenso. Op 16 Februarie 1900 het hy 'n noue ontkoming gehad toe 'n liddietbom in 'n loopgraaf ontplof en sewe burgers hulle lewens verloor het. Nadat die Britte Ladysmith ontset het, het Botha teruggeval na Laing's Nek. Hier is hy ook bevorder.

Hy is op 29 Oktober 1902 in Kokstad oorlede.

BronneWysig

  1. 365 Spore Geskiedenis vir Elke Dag, besoek op 1 Mei 2014
  • Wallis, F. (2000). Nuusdagboek: feite en fratse oor 1000 jaar, Kaapstad: Human & Rousseau
  • Swart, M.J., et al. (eds)(1980). Afrikaanse Kultuuralmanak Aucklandpark: Federasie van Afrikaanse Kultuurvereniginge.
  • The War Reporter. J.E.H. Grobler. Jonathan Ball Publishers. 2004. ISBN 978-1-86842-186-2