Greytown
Greytown is 'n dorp in die ooste van Suid-Afrika, in die provinsie KwaZulu-Natal. Die dorp lê aan die Mvotirivier en is die geboorteplek van genl. Louis Botha.
Greytown | |
|---|---|
  Greytown Greytown se ligging in KwaZulu-Natal | |
| Koördinate: 29°4′S 30°35′O / 29.067°S 30.583°O | |
| Land |  Suid-Afrika |
| Provinsie | KwaZulu-Natal |
| Distrik | Umzinyathi |
| Munisipaliteit | Umvoti |
| Stigting | 1854[1] |
| Oppervlak | |
| • Totaal | 4,75 km2 (1,83 vk. myl) |
| Hoogte | 1 015 m (3 330 ft) |
| Bevolking (2011)[2] | |
| • Totaal | 9 090 |
| • Digtheid | 1 914/km2 (4 960/vk. myl) |
| Rasverdeling (2011) | |
| • Wit mense | 11.2% |
| • Indiërs/Asiërs | 22.3% |
| • Bruin mense | 5.5% |
| • Swart mense | 60.1% |
| • Ander | 1.0% |
| Taal (2011) | |
| • Zoeloe | 53.1% |
| • Engels | 36.9% |
| • Afrikaans | 5.2% |
| • Ander | 4.8% |
| Poskode (strate) | 3250 |
| Poskode (posbusse) | 3250 |
| Skakelkode | 033 |
| Webwerf | www.greytown.co.za |
Geskiedenis
wysigDie dorp is in 1854 uitgelê op 'n plaas wat van L.J. Nel gekoop is. Die inwoners wou die dorp eers Pretorius noem ter ere van Andries Pretorius maar die Natalse regering het aangedring dat die dorp na sir George Grey vernoem word. Die dorp se stadsaal is in 1904 gebou.
Distrik
wysigDaar is in 1890 begin met die aanplant van wattelbome. Vandag is Greytown die middelpunt van uitgebreide wattel- en denneplantasies. Ander produkte is kiwivrugte, avokadopere, suiker, mielies, vee en suiwelprodukte. Die belangrikste nywerheid is 'n groot skoenfabriek. 'n Gebou wat in 1886 as woning vir die landdros opgerig is, dien nou as 'n museum.
Louis Botha
wysigDaar is 'n klipgedenkteken, wat die plek aandui waar die huis was waar genl. Louis Botha gebore is, op die plaas Honingfontein. Die plaas is 5 km suid van Greytown.
Sien ook
wysigVerwysings
wysig- ↑ "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 7 Februarie 2017.
- ↑ 2,0 2,1 2,2 2,3 "Hoofplek Greytown". Sensus 2011.
Bronne
wysig- Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
- Rosenthal, Eric (1967). Ensiklopedie van Suidelike Afrika.